pourceuxde14.com
par minloute le, 22/02/2016ch'est un pitit site que je viens d' raviser, j'cacho des photos sur le fond de buval
le fond de buval ch'est là qui a eu en 1915 grinmint d' combats, ch'éto au pied de lorette
j' su en train d arlire les carnets de guerre de louis barthas , tonnelier
ch' gars là, va faire toute la continuité d' la guerre , en notant son quotidien sur de tchiots carnets d écolier
i vient d' la région de Carcassonne, et sin régimint , composé d' hommes d' sin coin, s artrouffe à ....saint pol sur ternoise ...
de là , béthune, pi annequin, i va participer à la bataille de vermelles, fin 14, pi i va participer au "charnier de lorette" comme i dit li meme ...
par la suite, y va participer à la bataille des flandres, de la somme, et i finira "sa guerre" dans les vosges
ch'est bin écrit , et cha vaut LARGEMINT les liffes de Dorgeles, Barbusse , Genevois qui racontent des évenemints similaires ....
donc pour arvenir au fond de buval, j a trouvé ch' "ptit" site pourceuxde14.com
ch'est fait par un passionné, un en plus qui fait des recherches sul' terrain et am'mote i avo des comptes à rinte avec certaines personnes ....
mais y a des rubriques interessantes avec des photos rares
j' vous conseille d' buquer su les rubriques
l artois
là in vo les photos entre autes, du fond de buval et de la tranchée des saules et bin sur lorette
révélations
là in vo des photos prisses lors de découvertes de corps , ch'est pas pour l' coté voyeuriste, mais ch'est presque touchant d' vire ché corps recroqu'villés dins leur gangue d' berdoule
y a d autes rubriques qui pour mi sont plus controversées, comme cauchemar pour la mémoire, l auteur du site a pas ker entre aut' l anneau de lorette
mais j' teno quand meme à signaler ch' site là, y a quand meme des photos interessantes à aller vire
pi chacun i s' f'ra son opinion ....