Les jardinspasseur de mémoires
par minloute le, 13/05/2016
j avo trouvé ch' terme bio ch' te définition "passeur de mémoires"
c' est qu in essaye d' faire sur ché différents sites qui sont attachés à ch' bassin minier du nord pas d' calais, ou plutot c' qui en reste , ou c' qu in peut cor in sauver
certains vont s atteler à maintenir ou à rénover d anciens batimints de fosses
d' autres sont plus spécialisés dans l histoire meme d' l aventure miniere
avec bin sur eune grosse pensée in passant à not' camarate André Paillart ...
pour ceux qui connaissent te pas, suffit d buquer sur l arnitoile "blog andré de marles" et verrez l' résultat d 'ses recherches concernant l histoire de la mine
j' a arparcouru cha y a quequ' semaines, que traval i avo fait, malheureus'mint in conno la suite ...
d' autes prennent la plume et nous font des poèmes comme avo fait Henri Raimbaut , cor un camarate d' André
nous , sur histoires de chtis, in raconte j allo dire la pitite histoire du quotidien
ch'est un peu comme au restaurant , in vo tout c' qui s'passe dans la salle, mais faut pas oublier que dins l' cuisine , cha a busié, cha a contacté avant que cha arriffe dins vos assiettes .......
in peut pas parler d' traval, pasque ch'est un plaiji , mais cha necessite souvint del préparation ........
pététe qu un jur cha cha fera l objet de thèses, pasque ch'est bien d' garder ch' matériel, ché machines , mais savez les plus bielles pieches d in un musée , mais faut aussi qu in sache commint qu in vivo ach' momint là
