les expressions de nos grands mères suite

m' mère , née en 1920, ale dijo pas d' gros mots, l' seul qu elle dijo, et quand qu ale le dijo chéto avec véhémence , ch'éto " D LA CROTTE" et souvint ale in désigno la provenance par un "D LA CROTTE DE BIQUE"

expression qui paraisso rigolote, mais que pour elle chéto le sommome ...

min père non plus i dijo rar'mint des gros mots, bin sur j artire del liste le fameux "MERDE"

cha chtilale, i le dijo pas , i le hurlo, et chéto pas MERDE qui dijo mais MEEEEEEERRRRRDDE

cha chéto pour pas grand cosse, cha pouvo et' qui s éto blessé et là in auro pu comprinte qui rale, cor que in auro pu li répliquer ach' momint là "FROTTE UN COUP CHA VA D ALLER" ...

mais autant pour nouzautes chéto eune bonne formule, autant fallo pas s avinturer à li répliquer cha ...

pas que ch'éto un violent , mais un impulsif, pasque i pouvo "simplemint" crier ch' fameux gros mot, rin que pour avoir fait querre au sol s' fourchette, et s et' fait eune tache sur s' quémiche .....

la rapidité, pour min père l expression ch'éto "in deux coups d' cuiller à pot"



pour m' mère la rapidité chéto "quat' pattes d un coup"

quand que min père i éto pas contint qu in a fait quéquosse i nous dijo " pas de ça Lisette"

et si j' comprenno pas c'est que " j éto bouché à l émeri"...

que ch' t expression là , am' faijo raviser toudis d un drole d eule , l' fameux papier emeri , qu in rameno pour frotter ché pupitres in bo , à l école, en fin de périotes scolaires...

si j' compronno cor pas, ch'éto "la fin des zaricots" i le prononcho exprès avec le z

comme cha avo pas l' air dem' faire réagir, m'mère ale pouvo rajouter que j éto "tranquile comme batisse"

que voulez que j' réponte à cha mi, j' el connaisso pas ch' fameux batisse ....