zont bien cangées , ché boites d' maquereaux ....
par minloute le, 26/05/2016zont bien cangées, ché boites d' maquereaux.....
ah bon zallez dire ?
faut dire que la plache de cht alimint là , ale a bin cangée...
j' min souvins que ch'éto eune entrée à part entière...
in ouvro l' boite qu in metto dans eune belle assiette et j allo dire , in i faijo honneur ...
bon faut dire qu à ch' t'époque là, la boite ale éto bin différente
busiez un coup , la boite ale éto BEAUCOUP plus haute.......
yavo eune languette au coin, qui permetto d y intiquer la fameusse clé pour ouvrir ché boites là ....
clé d un coté, décapsuleur d' l aute .....
sul' dessus del boite, yavo tout pour nous rassurer, voire meme nous faire réver ...
in voyo eune belle tiete d' capitaine d' batiau , avec sin ciré sul' dos, et suroit sul'tiete ....derriere un gouvernal in bo ....
porto aussi souvint un collier d 'barbe, et meme eune pipe quequ' fos ...
pi cha nous rassuro, chéto souvint marqué en assez grand que cha avo été mis in boite à Douarnenez, in bretane ......
tout cha ch'est l extérieur, j' voudro à peine parler d ' l intérieur .....
ch'éto vraimint du filet d' maquereaux.........
pi yavo VRAIMINT du vin blanc d' dins .....
sans parler qui yavo des zaromates, des vrais zaromates, pas des bouts comme asteure
yavo eune belle feule d' sauge, des graines, pi des morciaux d' cornichon, des vrais .....
asteure, bin ravisez l intérieur, ch est quand meme pu cha ..........