Les jardinsPolyte
par Vital Potié le, 25/06/2016sin prénom chéto jean , s’mère al n’avot pas querre du tout l’nom que ch’père avot déclaré à la mairie . al l’a appelé hypolite, pour nous chétot Polite .
i est mort à 55 ans à 100% .
chétot un qui comme presque tous dins chés corons faisot sin gardin et ses graines .
quand j’arrivos des ardinnes dins sin coron à mémère eune fos arrivé , j’allos dins chés gardins ches camps comme in disot j’étos tout près .
j’i allot core quand tous chés camps i étotent abandonnés , l’cité al allot ête raser.
j’allos vire sin coin à ch’tichi à ch’tilal j’les arvoyo in train d’s’occuper d’leur carreau d’terre avec soin .
j’arvos Polite au bout d’sin gardin , i avot eune boite à chaussures dins ses mains , d’dins des graines d’laitues . i avot incliné in tiot peu l’boite, et, i tapotot avec s’main des petits coups dins l’angle au bout . l’graine d’laitue al allot au bout et l’paillette in p’tit peu in arrière . i prénot l’paillette délicatemint et i l’jétot par terre , des frouettes pas grand’cosse .
cha m’avot impressionné tant d’soin pour si peu d’chose . j’mimbète pas avec tout cha , j’écrase tout dins mes mains sur in journal , et , j’sème chés graines et chés frouettes j’pinse toudis à Polite in sémant mes grinnes que j’fais .
cha fait partie d’la vie les souvenirs , in peut dire que chés mineurs pour beaucoup au fond chétot in métier d’brute, mais qu’inne fos armonté chétot pus l’minme homme, la délicatesse, le jour et la nuit .
