fout zy du virlux et ch' bonhomme Perrier .....
par minloute le, 02/07/2016fout zy du virlux ....cha ch'éto eune phrase à min père durant ché retransmissions du tour de France , j' datero cha vers 1973 1975 ...
yavo djà bin sur la caravane publicitaire, et comme in dit asteure des "sponsors" , mais comparé à asteure, quand qu in arvo ché zimaches cha prétero presque à sourire....
in pourro dire "amateurisme" ou "manque d' professionnalisme", in tout cas cha a bin cangé ....
asteure pour promouvoir eune marque sul' tour de France , in fait appel qu à des garnoules qu ale zont (paradoxal'mint) eune taille d' guèpe .... et bellottes , cha ch'est les critères à respecter
au début des années 70, ch' gagnant de l étape, à l arrivée i éto souvint submergé par ché journalistes , ch'éto un peu la foire d empoigne pour avoir dro à ses premieres impressions
ch'éto un peu la pagaille, j' me souviens de bernard Giroux qui un coup avo donné des poings pour poser ché questions avant les journalistes d' la radio ...
mouv'mint de foule, sans oublier ch' fameux bonhomme Perrier, li y éto loin des critères d asteure, ch'éto loin d ete eune jeune garnoule
i devo bin avoir presque 60 ans , "un tchiot peu" bedonnant , t shirt avec d' sur écrit en grand "perrier", casquette d' marin vissé sul' tiete
i éto carqué à chaque arrivée, d' passer à la télé, et d' donner au vainqueur d' l étape LA fameuse boutele perrier pour qui s' désaltère in direque
parel, j' me souviens qui devo aussi juer des coudes pour rester dans la visée d' l objectif d la caméra ...
"fouzy du virlux", ch' éto l expression d' min père , d' vire l écrasante domination d eddy meercks
en exagérant à peine , i éto toudis maillot jaune, in tout cas d' lonques périotes, et sur ch' maillot jaune , yavo eune grante publicité de la société Virlux
Virlux, chéto eune marque connue d' produits laitiers, principal'mint du beurre ...
alors quand que ch' gagnant i passo sin nouveau maillot, in avo dro al'mason à la phrasse magique, "fout zy du virlux".....