ch' tupe Néon

in avo cha dans l' cuisine et l arriere cuisine ...


"l' cuisine" al' mason ch'éto là du qu in mingeo, alors que m'mère ale faijo à minger dans " l arriere cuisine"

sur que cha éclairo bin ché pieches, des tupes néon au plafond .......

mais chéto pas toudis d un pratique ...

d ailleurs j' devro dire "tubonéon" , ch'est comme cha qu in l appelo, et mi , tchiot, j' pinso que chéto tout collé ...

d' abord quand ch' tupe i arrivo en fin d' vie, i faijo comme au feu d artifice, chéto "son et leumiere" ...

j' m explique, à la fin am' n avis que dins ch'tupe cha devo faire court circuit, in tout cas cha faijo d' plus en plus d' tchiots zéclairs, accompagnés de tchiots bruits comme chi y avo un fil à l intérieur qui s' contorsionno ...

escusez me , mais mi j' a pas fait d étutes , j' su sur qui n a qui pourrotent expliquer cha scientifiqu'mint, mais mi j' vous zardis c' que j arsinto ach' momint là

"Léonce (chéto l' prénom à min père) ch' tupe néon i fait des siennes" qu ale dijo m' mère

bin sur qu in l' voyo aussi nouzautes , in avo presque l impression d ete dans eune discothèque, sous eune boule à facettes ....

d' abord fallo pas s affoler, cha pouvo et' qu un faux contaque

"suffijo" d' monter sul' cayelle et d' A PEINE toucher ch' ch' tupe et y a des coups , cha arparto comme en quatorsse ....

j a marqué "suffijo", mais ch'éto pas si évident qu' cha, j' me souviens y a des coups min père i éto obligé d el faire, fallo bouger l' tape, mette eune cayelle al' plache, grimper sul' cayelle, bouger ch' tupe, et si cha marcho pas, l artirer

mais ch'éto pas évident pour min père, vu qui avo eune gampe raite , pas évident d' grimper seur eune cayelle...

in plus m' mère ach' momint là, in auro dit l attitute d' Bernadette Soubirous quand qu ale voyo la vierche devant la grotte ...

mains croisées, l' tiete un peu d' coté, sauf que ch éto pas d admiration qu ale éto, mais plutôt d anxiété, fallo pas qu' sin Léonce i qué à terre ...

ch'éto souvint min frère qui éto chargé d' canger ch' tupe, ch' tupe , min père i avo été l acater à mon d' chez Cadot, l' droguerie qui yavo rue Anatole France

min père i avo été arquerre l ancien emballache du tupe, i avo ringé cha dans eune d' ses barraques

l' emballache , chéto comme un carton gauffré, d' la longueur dech' tupe

cha li servo j' pinse pour acater l' meme, yavo des longueurs différentes, des types différents (yavo des séries d' chiffes et d' letttes pour désigner ch' modèle), pi bin sur la puissance électrique ...

meme avec l emballache , ch' transport à pied i en éto cor délicat

bin ouais , in pouvo s' casser facil'mint et cha couto quand meme ...

alors même eune fos ch' tubonéon racaté , arrivé sans heurs al' mason, le suspense y éto pas arqueu

in raviso min frère, monter sul' cayelle, printe ch' tupe délicat'mint, c' qui impecho pas min père d' li rappeler , comme à chaque coup d' pas trop laisser ses dogts such' tupe ...

c' qui énervo min frère, cha y est ch' tupe i est installé, on s artourne vers m' mère , qui après avoir ardemandé si ale pouvo rappuyer such' bouton d' stricité, appuyo et là ch'éto " l épreuffe d' vérité"

et miraculeus'mint , en eune seconte, in voyo ch' tupe commincher à ardevenir blanc, fiat lux comme dirotent ché latins, la lumière fut ...

même si cha peut paraite ridicule, in éto fiers que cha marche, in éto fiers du progrès ....

Y'arrivo aussi que le starter qui étot plaché à coté d'ech tupe et ben y rinde l'ame.
Ch'starter cheto un tiot cylindre in plastique blanc avec 2 contacts cote à cote. Ché s'qui permetto d'allumer ech'gaz d'in l'tupe.

Mi j'mamuso à mettre un starter branché in série avec un'lampe d'in un'boite ed conserfe, tout cha branché sur el 220 volts et cha clignotot par flash d'façon irrégulière comme un jeu d'lumière. Fallot vraimint pas avoir peur..