histoires-de-chtis® depuis le 20 février 2005

 

 

Les 60 dernières histoires


  l'os à moelle (25/10/2020)
  ch' bouillon (25/10/2020)
  dans la rubrique coup de coeur (24/10/2020)
  du coté du Cap Horn (23/10/2020)
  LES ATTRAPES A SOURIS (20/10/2020)
  coureurs cyclistes mauvais souvenirs (17/10/2020)
  coureurs cyclistes bon souvenir (17/10/2020)
  MEMERE EUNE VIE 2ieme partie (12/10/2020)
  la montée en classe (07/10/2020)
  MEMERE EUNE VIE 1ere partie (06/10/2020)
  la boite à pharmacie partie 2 (04/10/2020)
  la boite à pharmacie partie 1 (04/10/2020)
  Tutur (02/10/2020)
  Luis Mariano... (02/10/2020)
  TELEPHONE et FACTEURS partie 2 (29/09/2020)
  Papa et sin gardin (26/09/2020)
  LA POSTE de BRUAY partie 1 (22/09/2020)
  Firestone (20/09/2020)
  départ en carette (20/09/2020)
  LES NOUNOURS (11/09/2020)
  BERCK 2020 SOUVENIRS (03/09/2020)
  ESCURSION IN BELGIQUE (27/08/2020)
  au temps du bio, du qui sont ... (25/08/2020)
  pour alimenter radio coron ... (23/08/2020)
  MIN PREMIER PICHON 3ieme partie (14/08/2020)
  PEQUE A SAINT VALERY partie 2 (07/08/2020)
  PEQUE A SAINT VALERY 1ere partie (04/08/2020)
  Cocu (03/08/2020)
  LES COUPS (31/07/2020)
  Bruay en Artois 1935 (26/07/2020)
  bibilolo de Saint Malo (26/07/2020)
  VOYETTES partie 2 (23/07/2020)
  VOYETTES partie 1 (20/07/2020)
  EPILOGUE : LES COMMERCANTS (08/07/2020)
  PARFUMERIE DELERCE (02/07/2020)
  Jacqueline la bienfaitrice (28/06/2020)
  VETEMENTS MARCHAND FRERES (26/06/2020)
  LE CINÉMA CASINO (22/06/2020)
  IN ARRIVANT AU CERCLE (19/06/2020)
  cha a bien cangé (16/06/2020)
  DU BALATUM OU DU LINO (13/06/2020)
  IN VA CANGER L TAPISSERIE (08/06/2020)
  DERNIERS COMMERCANTS AVANT LE LYCEE (01/06/2020)
  LIBRAIRIE POINT VIRGULE (28/05/2020)
  VERMELLE et DUCOURANT (23/05/2020)
  El doctor et s'passiente (20/05/2020)
  PATISSERIE BOUCLY (19/05/2020)
  Sujet fille de : retour de Merlimont 72 fin (11/05/2020)
  El confinemint (10/05/2020)
  retour Merlimont fin aout 1972 fin (09/05/2020)
  retour Merlimont fin aout 1972 (09/05/2020)
  100 ZARTIQUES (02/05/2020)
  siffler ou siffloter ? (26/04/2020)
  La lampe au chapeau (23/04/2020)
  MEDICAMINTS D AVANT partie 2 (22/04/2020)
  la télé et le confinache ... (22/04/2020)
  Abalourd a les pieds lourds (18/04/2020)
  ch' confinache (15/04/2020)
  PHARMACIE DUBOIS (14/04/2020)
  CONFINACHE (08/04/2020)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 mememarie ( 02/08/2020)
Bonjour, Je découvr...
 Drit79 ( 08/02/2019)
Mon dernier écrit ic...
 michel.gervois@neuf.fr ( 07/10/2018)
Bonjour à tous les B...
 dufossez jean ( 24/09/2018)
Bonjour les potes J...
 bob 38 ( 22/09/2018)
Bonjour a tous , chu...


Liens
Histoires de chtis sur votre site
ché pannes à répétitions
par minloute le, 08/07/2016  

Pannes à répétitions

ouais mes gins , asteure « tout i marche » et ch'est plus que normal pour tout l' monte , mais in a connu un temps du que ch éto j allo pas dire « normal » mais frèquent qu in so confronté à des pannes d' tout genre

en arprennant l' sujet juste avant , ch' compteur électique qui « sauto » , in y éto habitué et zavez vu qu in avo tous j allo dire un plan B,,,

asteure , y a pu grinmint d' masons du qu in a cor LE paquet de bougies indispensape, pour affronter les sautes d humeur de ch' fameux compteur ,,,,

coupure d' courant, cha parel, l' plus souvent t avo un avis , mais cha arrivo aussi qu in éto mis d' vant l' fait accompli , aut' raison pour avoir toudis ch' fameux paquet d' bougies ,cor que l' plus souvint ché pannes générales d' courant , cha arrivo dins l' journée

faut dire aussi qu in éto pas si fort bin outillé qu asteure, et quand qui fallo faire eune tranchée dins la rue , in auro pas pinsé, ou in avo pas cor ach' momint là les moyens pour que ché gins i zalent cor ch' courant à leu masons, pindant qu' ché zouvriers i travaillotent dins l' rue ,,,,

coupure d iau, cor que là , in éto parel très souvint prévenu, m' mère ale accrocho ch' papier sul' porte du frigo pour pas oublier d' faire d avinche eune paire d' bassines

am'mote que cha devo et' dans l' reflexe d' ché gins qui avotent connu les recessions de pendant et d après la guerre 39 45,,,

mais l' plus courant j allo dire, après avoir bin parlé de stricité, chéto les pannes à la télévision

in avo dro aux pannes d 'émetteur, là min père i ralo, d ailleurs dès que l' programme à la télé is' figeo ou qui deveno troube , min père i dijo « allez , pédalez mes gins à bouvigny »

l' antenne d' Bouvigny y a grinmint d'personnes qui l a connaisse, située dans l' prolong'mint d' la colline d' Lorette, ale est vraimint visipe tout à l alintour, qu in so du coté d' bruay, d' lens, et meme de dieval

dins tous les cas, quand que l' écran i éto figé ou qu in avo dro à eune mire d attinte, yavo pu qu à printe sin mal en patience

y a des coups , les plus graffes, t avo dro à la mire, pi à l horloche , et enfin té quéyo sur eune speakrine , l' guiffe toute chiffonnée, comme si l' panne qui arrivo ale éto qué su ché ortiaux ,,,,,

argard quequ' fos un peu perdu, d' pas savoir si ale éto djà à l antenne ,,,, là si ale resto comme un pot d' fleurs à attinte, min frère i gueulo « mais t es à l antenne », j' vous dira pas l' mot qui dijo après ,,,

mais,cha plaijo pas am' mère qu ale dijo qu ale y éto pour rin ,,,,,,,,,

in avo dro bin sur à un problème d émetteur, eune rupture d' faisceaux, un gros probleme technique (souvint indépendant d' leur volonté comme i dijotent ) ,,


aut' cas, ché pannes rapites, là d un coup ch' programme i s arreto et t avo dro ach' pitit train de l interlute, du qui fallo artrouver des mots , des expressions qui étotent écrites in rébus su ché wagons ,,,,

la normal'mint ch éto l' sine avant coureur d eune « tchiote » panne

après , et là chéto vraimint mauvais sine, si d un coup, té passo de Intervilles à un reportache su la ponte des tortues su des plaches exotiques, la nuit au clair de lune

ch' est pour cha d ailleurs que j' fais depuis j allo dire un rejet , des zarportaches animaliers, ayant tel'mint vu , tchiot, en attindant que l' emission ou ch' film i ardemmare , la capture des zébes par ché lions dans la savane, les tortues en train d' ponte et ch' cri des baleines ,,,,,,,,,,,,

pire mes gins , pire, quand que l' speakrine , avec eune tiete d ' pompes funébes générales, ale nous annoncho qui zétotent , selon l' expression, « dans l impossibilité d' poursuive la diffusion » d eune émission ou d un flime

alors là min frère i crio « zéro » et j' vous dira pas non pu ichi la suite, que ch'éto eune bante d incapapes etc etc

mi j' éto pas contint non pu , in plus ché speakrine souvint ale zint faijotent d' trop dans le mélo, mais l' pire chéto si ale comminssotent à bafouiller, comme ch' éto l' cas pour Catherine Langeais, et le somome , Jacqueline Caurat

savez Jacqueline Caurat ale présinto aussi eune émission d' téléphilatellie, alors si ale commincho a s impetrer dins ché mots ,min frère i crio, « baffe tout sul' tape , in va trier » ,,,,

Jacqueline Caurat que j' salue ichi, car ale est cor vivante , ale a asteure 88 ans

i en avo eune que mi j 'dijo jamais rin, ch' éto Jacqueline Huet, ah pouvo i avoir eune mauvaisse nouvelle à annoncher, ale le faijo sans in faire de trop

ale avo eune belle voix, et j' do dire, que tchiot , j éto obnubilé par ses obus, ouais j' do bin appeler cha comme cha, in plus y a des coups qu ale porto des decolletés un peu plongeants ,,,

am' mote ch'éto pour calmer ché chers telespectateurs ,,,,,,,

asteure y a pu d' speakrine, ch' est vrai qui a pu grinmint d' raisons qu ale so cor là, tout l' monte peut aller pluquer ché programmes télé tout partout, dins les journaux , les hebdo tv, mais aussi sur ché tablettes, ché téléphones, ché zordinateurs ,,,,,,,,

y a pu grinmint d' pannes aussi , mais sans in et' nostalgique, in oublie pas qu in a connu un temps du que in sinto que le progrès éto bin in marche, mais qui yavo cor des réglaches à faire ,,,


 


Contact | ©2005 histoires-de-chtis®.com - Webmaster : Gold77 - CNIL : 1075910 - 6 visiteurs connectés - Qui est connecté ? |