histoire de la laiterie de Verton

y a un tchiot momint j avo fait un sujet sur l' couverque d un camembert , ch'éto un camembert d' la laiterie Verton

j avo été contacté après par mr Poincet , i compto faire un liffe sur la laiterie et i m avo d' mindé si i pouvo i mette ch' texte in patois que j avo écris

j avo dis ouais tout d'suite (in a plutôt eu dins l' passé des gins qui s accaparotent les textes et qui les publiotent sans meme nous d'minder si i pouvotent l' faire, mais bon savez, sur internet ché gins i sont comme dans la vie d' tous les jurs, des gins qui sont respectueux et d autes qui l' sont un peu moins...)

mais arvenons à nos moutonsses comme auro dit Fernandel dans le film Topaze....

j avo dis ouais, pi après j y pinso pu, et là queques jurs avant la noel, mr Poincet i m a invoyé un exemplaire du liffe

j l' a d' abord vite feuilleté, contint d y artrouver au milieu de toutes ché photos, celle del boite à camembert d' mon enfance ...
j y a meme artrouvé, et j' m in souveno pu, un couverque d' coulommiers bin caractéristique, et pi , j' me d'minte commint que j avo pu l oublier, ch' beurre de la cote d opale

tout cha cha m a fait artourner bin en arriere, quand qu in éto autour del tchiote tape à merlimont, ou quand qu in allo faire ché courses avec m' mère au magasin EgE , qui se situo sul' coté d' l églisse, juste à coté de la poissonnerie

là samedi j a comminché à lire ch' liffe, et j a été vraimint pris par l histoire, d' abord ch'est écrit avec passion, avec un détail qu in pourro pas faire miu, pi au delà d' la production d' l usine, ses hauts pi ses bas, ch'est vraimint eune aventure humaine qu in suit tout au long des pages

à la fin in est triste d' vie que la laiterie ale conno eune périote bin moins faste , mais hélas comme diro l aute, ch'est le sort de bin des entreprisses face à l europe, à ses lois et tout l' monte i a pas pu s adapter


alors si cha vous interesse ,bio liffe, papier glacé, i coute 26 euros ,pouvez contacter l auteur au mail poincet.jeremie@wanadoo.fr

un liffe passionnant écrit par un passionné