ch' café le Terminus
par minloute le, 03/01/2017ch' café le Terminus, j y suis jamais rintré, "un café d' viux" qu in dijo, i éto situé au coin d' la cote des grands bureaux et d' la rue d' la gare ...
nous in préféro ché cafés du centre ville, le well scotch , ch' papou ou le ringard...
nan le Terminus chéto un café d' viux, in les voyo au matin, par l' grante baie vitrée , ché "consommateurs" .....
so avec l' casquette sul' tiete, certains qui gardottent ch' casque d' mobylette (in va in n arparler juste après d' ceux lale)
in les voyo , face au comptoir, tasse d' café et verre d' bistoule indisociapes , certains qui avotent djà comminché à bore des d'mis
(cha cha nous "épato" vu que nous qui avions 17 ou 18 ans, in avo pas peur d' in bore quequ' zeunes à la suite, mais là....commincher les "hostilités" à 7heures un quart 7 heures et demie (ou 7 heures et demis comme vous voulez), cha nous laisso perplexes)
in les connaisso ché buveux qui gardotent ch' casque sul'tiete, souvent ché des "espécialistes" , cha rintro dins zin bistrot, cha buvo 2 bieres à la suite, cha parlo pas, in tout cas l' minimum, cha payo, et cha arparto ...
cha arparto jusqu au prochain bistrot du que chéto l' meme rituel
j in connaisso un qui quand qui arveno del fosse , s' mobylette quand qui rintro dins l' rue, ale slalomo bin plus qu in partant
j avo fait l' reflexion à min père qui avo répondu , d' fachon humoristique, que l'mobylette ale faijo comme un bidet qui sinto s' n écurie toute proche ......
pour in arvenir au Terminus, chéto vraimint l' seul momint, au matin comme au soir, quand qui faijo cor nuit, qu in pouvo vire c' qui s' passo à l intérieur
après dins l' journée, in y voyo pas grand cosse, yavo moins d' leumieres alleumées pététe, pi in plus chto ch' café des amateurs d' boxe
sul' porte , comme sul' bas del baie vitrée, yavo des affiches d' combats qui allotent avoir lieu à bruay
y a des coups, quand que j éto plus jones, et qu in déchindo à bruay (ouais in habito au 2 , mais rin que pour déchinte au centre ville, in dijo "qu in déchindo à bruay" ), j avo ker tirer m' mere par la main pour aller vire ché affiches
m' mère ale avo pas ker s approcher des "liu d' perdition", mais j ' voulo vire les tietes des boxeurs, et comme cha j' me dijo chti chi i do et' plus fort que chtilale et j' faijo comme un pronostic ...al'tiete .....
ch' café là du qui éto situé, fallo faire attintion quand qu in éto à pied
quand qu in arrivo d' la rue anatole france, fallo djà passer devant la tchiote station service du garache bondues, située such' coté là, après fallo passer sul' coté du café, du qui yavo un tout pitit trottoir in face du passache pietons ...
in plus avant d' s ingager fallo bin raviser ché carettes, cha tourno d'la rue anatole france pour aller vers la gare ou le 6 tout en évitant le centre ville
ouais chéto le temps du qui yavo grinmint d' voitures à bruay ,et que passer par la gare , cha permetto d' gagner du temps pour nouzautes arjointe houdain par exempe
fallo faire attintion aussi à ché carettes qui venotent d' la cote des grands bureaux et qui tournotent sans mette ch' clignotant
rin qu à vous raconter cha, j' sins la pression d'la main dem' mère su la mienne, pour que j'reste bin à ses cotés avant la périlleusse traversée
après dans l aute sens quand qu in armonto d' la cote des grands bureaux, et j' vous jure que ch' est vrai, vallo miu s arreter quequ' s'gondes pour aprinte sin souffe, avant d' traverser , vu que djà la montée de chte fameusse cote des grands bureaux , t éto bin contint d arriver in haut
su la photo ci jointe, ale a été prisse en 2001 par Emile Desfachelles , qui nous a quitté en fin d année derniere, ch' café au coin i existe pu
subsiste cor , "l aquarium" comme in l appelo, le local du qui éto ch' pompiste de la station essence
y a pu d' pompes
ch'est eune photo qu ale est pas si vieille qu' cha , eune quinzaine d années, mais ch'est déjà le passé ....
Au dessus du café il y avait une salle d'entrainement à la Boxe si mes souvenirs sont bons.
J'avais un copain "Morel" qui allait s'y entrainer.
Ha, j'oubliais, bonne année et mes meilleurs vœux à tous
( 1 photos)