au cimetière du 3
par minloute le, 06/01/2017j auro ker artourner à Bruay rin que pour arvire le cimetière du 3
bizar'mint cha sero dans un liu du qui a ché morts, qu in pourro dire que ch'est là que Bruay y a l'moins cangé ......
sur que régulier'mint in do "récupérer" ché tompes laissées à l abandon depuis un bon momint .....
mais i reste quand même pas mal d'sépultures qui pourrotent et' classées monumint historique rin que par leur construction qui parait asteure appartenir à un aut' temps
quand que j éto tchiot , j' filo dro , j'em presso d' passer d'vant ché nombreuses tompes érigées en chapelle
such' fronton , un nom ou deux , du type famille untel untel et d'vant eune porte in ferale ou eune porte à barreaux, fremée à clé, am' mote que chéto pour impecher ché fantômes d' sortir d' là
j avo pas ker du tout cha ...
plus loin yavo des tompes massives, à accroire qu in s éto inspiré d' la forme du tombeau d' Napoléon ...
yavo aussi ché tompes individuelles , intourées d eune grille, cha m' faijo l' même effet que pour les chapelles ...
au 3, jl' a vraimint ker, pasque ch'est un mélange d' chosses
d' abord y est au calme, vous m'direz ch'est l' minimum, mais djà du temps qu' min père i éto cor vivant , i m avo dit qui zallotent s' faire faire un caveau au cimetière de Labuissiere
j avo fait l' réflexion à min père, li dijant que chéto bin bruyant
i m avo répondu que quand qui s'ro mort le bruit cha l' déringero pas tant qu' cha ...
et qu au pire i s' rotent ché premiers à intinte ché promotions d à mon Cora, situé juste in face .....
le charme, ouais in peut imployer ch' mot là pour l' cimetière du 3, ch'est qu in a l impression qui n' a plusieurs dins un même
d abord dans l ensempe i est pas plat, y a d' zarpes qui viennent l' séparer in deux
in plus , y a même un cimetière militaire Français, un cimetière militaire britannique , un mur du souvenir du qu in a argroupé toutes ché plaques commémoratives des gins qui sont morts quand que ch'éto l occupation , sans oublier ché cases pour ché gins qui s'sont fait incinérer
au delà d' cha, t as des anciennes tompes qui cottoyent des récentes
autant celles d asteure tout in marpe ale sont plus résistantes aux assauts du temps, vinguette que j' parle bin mi...mais ale s arsempent toutes un tchiot peu
autant les anciennes faites en béton ou in ciment, j' les préfère , pasqu ale sont bin plus différentes, dins des styles qui pourotent même preter à sourire, ou tout au moins busier à commint qu in s arpresento les sépultures y a pour certaines, presque un sieque ......
in va in arparler dans l sujet juste après
pi l' cimetière du 3 y a plusieurs symboliques pour mi
y est situé tout au bout d' la ville, presque in dehors ou in tout cas à la limite du bassin minier et des pâtures
i s' mérite, quand qu in y monte à pied depuis l école d' musique du vieux Bruay, t es contint d arriver in haut , un peu comme si té faijo ti même tin chemin d' croix
mi j y vo aussi eune aute symbolique, c'est s' protection ou s' n identité qui vient cacher in étant j allo dire , protégé , par la masse d' sin terril
d' là haut aussi, si in s artourne , in a eune sacrée vue , sur Bruay, sur la vie, du muret qui domine la ville
ch'est aussi ichi qu in allo régulier'mint avec mes parints su les tompes d' la famile proche, d' la famile éloignée, des amis à mes parints ...............
ch'est aussi pour mi, l' indro du que j ira arvire mes camarates André, Daniel et Jacques d' Histoires de chtis
j' m éto dit y a queques zannées, bin j ira les vire à m' retraite, ou tout au moins si j armonte j' sero bin contint d aller les vire
pi l un après l aute i sont partis , mais j' les oublie pas
cha me rappelle des souvenirs qu'après el décés ed min grand père ech monto à pied del rue raymond Deruy jusqu'au cimetière du 3 avec un pot ed fleur din chaque bras
chéto plus facile d'ardéchindre j'avos din les 13 ans chéto din les années 48/50
( 1 photos)