ch' maite au traval partie 1

si, si , cha li arrivo d' et' au traval...

n y voyez que moquerie d' ma part, et' instituteux, ch'est pas si facile qu' cha, faut savoir tenir eune classe d' jones quequ'fos turbulents , distraits ou qui zont des dfficultés à comprinte ...

y a un momint, du que ch' maite in voyo qui éto au traval, qui éto appliqué et qui nous enseigno rin ach' momint là ...

i s éto arringé pour nous donner un devoir à faire, eune rédaction , ou un dessin à faire, et pendant ch' temps là i éto à sin tableau

alors faut pas croire qui raviso pas c' qui s' passo dans la classe , du temps de Mr Robitaillé ou Mr Sergent , in pipo pas ..

à croire qui zavotent un eule espécial pour deviner ou sintir quand que dans la classe cha allo commincher à bouger, ou si n' a un qui avo d un coup eune bleusse vue pour bin vire c' que sin camarate i avo écrit sus' feule ...

am' mote que l' mointe bavardage, mais aussi un trop long momint du qui yavo aucun bruit, eune cayelle qu ale bougeo , des regues qui quéyotent trop souvint à terre , un souffle, un mouv'mint , i devinottent cha tout d' suite

alors so d un coup sans qu in l' vo arriver , y n a un qui arsevo un morciau d' craie sus' tiete (dangereux cha, pasque si i loupe sin coup ch est un aute qui l archoit..)

ou alors i crio d un coup ch' nom d un éleffe, et i dijo " untel, té resteras après l étute" ou alors " untel té donnera tin cahier (tout cha pour y marquer un mot à ché parints), ou alors " untel, té print tin cahier et t'em feras 100 lines de " j' do pas copier sur min vigin" ...

sur que l' punition ale sera pas à écrire in patois, sur'mint pas, d ailleurs si té parlo trop en patois dans la cour, ou si par malheur tel parlo dans la classe, là , la République , eune et indivisipe ale te quéyo su' l'coin du nasiau , et té t artrouvo les mains sut' tiete , au coin ....

cor heureux si teut' preno pas des lines à faire in plus ....