récitation partie 2
par minloute le, 20/01/2017dinch' cahier de récitation, la page d' droite chéto pour ch' poeme , et la page de gauche pour l illustration
so avec un dessin qu in devo faire, so avec eune imache qu in devo trouver , l' découper pi l' coller
j' vous a dis que j éto pas ch' plus fort en dessin, ch'est l' moins qu on puisse dire...
croyez pas que d' coller eune imache cham' réjouisso pas plus, ou plutôt pour faire court, j' passo par m'mère ...
ale me connaisso bin m'mère, ale savo que j éto très doué pour le traval manuel, et découper eune photo dans un magazine ou un jurnal chéto pour mi un danger
ouais ch'est pas des cacoules, chéto pour mi un danger, ch'est m'mère qu ale dijo cha, j découpo pas dro, j' mi prenno comme un manche qui dijo min père ........ j' risquo dem' crever un eule, et j' m enervo rapid'mint
sans compter qu après ch' découpache, yavo l' collache......
mon diu mes gins l' collache d eune feule , rigolez pas, ch'éto pas évident , pour mi ....
pasque fallo coller cha avec l' fameux pot d' colle blanche avec ch' tiote pelle in plastique dans ch' pot au milieu........
alors "parait il" , ch'est min père qui dijo cha, que j' confondo l' tchiote pelle avec eune truelle, et que j' metto des paquets d' colle au liu d in mette un tchiot peu ...
bin ouais, faut dire que chéto vrai, y a un coté du qui n avo toudis trop, et savez , rigolez pas, pour aplanir l' tout, bin j appuyo bin fort, que cha faijo arsortir la colle, que j essuyo vite fait
et que j arfermo ch' cahier, jusqu au lendemain que j' voulu l'rouvrir pour réviser m' récitation et que j m artrouvo avec ché feules collées ....
que j allo vire min père qui éto dins l' pieche d' devant en train d' lire sin jurnal, avec s' lampe d' la gestapo, savez eune forte leumiere dins l' guiffe que j' comprinds pas commint qui arrivo al' supporter ...
j allo vire min père pasque i avo l'arme secrete, ch éto un coupe papier qui arsemblo à un coutiau
exercice périlleux pour mi, pasque min père i éto aussi patient qu' mi, alors min père i essayo d'ardecoller ché paches ...
mon diu si y arrivo pas , et que chéto trop collé, j em faijo bin disputer, sans compter qu' après , i fallo aller dire ach' maite, bon y éto cor compréhensif sur ch' plan là , im' raviso du coin d' l eule , im' donno eune feule du qui yavo ch' poeme et im' dijo, bin t as pu qu à l arcopier sur tin cahier , cha t'permettra del savoir plus facil'mint ....