récitation fin
par minloute le, 22/01/2017ch' coup là j éto sur, j' el savo par cœur m' récitation, j avo bin marqué qui fallo l' savoir pasque yavo interrogation la s'maine suivante
ah j' l avo bin révisé, chéto un poème am'mote d Emile Verhaeren su l automne, j arvo bin l' imache que j avo (euh que m' mère ale avo collée ) su la pache d' gauche
un paysache d été indien, savez eune saison qu ale existe que dans l' nord d' l amérique
des grands zarpes flamboyants et au sol des feules d un rouche parel , qu in peut pas plus vif
arriffe l' momint du que chéto l' récitation, et là , j a eu commint qu in diro asteure un grand momint d' solitute......
ch' maite , Mr Robitaille i rappelle les "règles" , enfin c' qui avo dit la s'maine avant , que tout l' monte i sero interrogé ...
mais mi j avo pas du bin intinte, en fait i fallo réviser ché 6 dernieres poésies .....
pourquo ché 6 dernieres, pasque ch' maite i appelo ché zéléffes d' la classe , et eune fo que t arrivo à l estrate, té devo aller àch' bureau dech' maite, printe un dé , l'juer dans eune coupelle ...
et là , zavez d'viné , si té tiro le 1 , té devo réciter l' plus ancienne poésie, le 2 , l' deuxieme , et ainsi de suite ...
eune fo qui avo dit cha , i a dit sous forme d' boutate, " i n a qui ont pas tout révisé ?"
j a pas osé l'ver min dogt, pasque j allo et' la risée del classe...
et ch' maite, à peine qui a dit cha, y a appelé ch' premier su la liste alphabétique
croyez que mi, avec min nom qui commincho par un "V" j a eu tout l' temps pour passer par toutes ché couleurs ....... et ché frayeurs ...
pi savez ché jones qu in éto, in éto un tchiot peu cruels , comme in passo chacun sin tour, eune fo qu in éto passé, la pression ale éto artombée, et in éto prêts à s' moquer de chti qui savo pu un vers, ou qui butto sur un mot ...
in plus , ch'est vrai que chéto un peu ludique , d' vire sin camarate tirer ché dés et vire commint qui réagisso, commint qui entamo ch' poème ...
en regue générale, avant mi, yavo eu certes ,des hésitations, des qui savotent pu eune strophe, mais i zin savotent tout ch' début ..
alors que mi, à part ch' tite, et l' nom d' l auteur, j auro bin été incapape d' dire plus d un ou deux vers ....
allez min camarate Vaast, i v'no d' terminer, chéto min tour
savez pas combien l' distance entre m' plache et ch' bureau ale m a paru longue, comme si j'arvivo l' chemin d' croix de Jesus............
les gampes ale flageolotent, la marche d' l' estrate ale mesuro un met' d hauteur
j avo qu eune chance, eune sur six, et justemint i m' fallo absolumint tirer le 6
j a j'té ché dés , savez du ginre "les dés sont jetés " et j éto prêt à passer un mauvais quart d heure
et là ch' dé, i s a arrété sur le 6...........
mon diu, j a sinti l' souffle du boulet passer juste au d'sus dem ' tiete
j a meme hésité in comminchant, tel' mint j éto bouleversé , soulagé de ch' bon coup du sort
savez autant j'éto allé à l estrate la corde au coup comme eustache de saint pierre , savez chéto un des bourgeois de calais, in appreno cha à l école
autant quand que j' su ardéchindu pour aller am' plache , chéto Artaban qui passo .......
et savez j y pinse cor assez souvint, à ch' coup du sort ...