sur les routes nationales fin

su ché routes nationales, quand qu in faijo les memes parcours , in avo nos zarpères .....

tiens ch'est ichi qu in s éto arrété pour faire pipi, ah nouzautes ché garchons cha allo tout seu, suffijo des' mette dos al' route et d' mette not' raccord d' vélo à l air ...

tandis que quand chéto maman, chéto tout eune histoire, fallo trouver un bosquet, un endrot pas trop visipe, sinan chéto entre ché deux portieres, fallo pas raviser et in faijo ch' guet ...

et m'mère à chaque coup ale dijo, ah vraimint nous ché femmes in est pas aidé .......

su ché nationales , yavo aussi des zindrots qu in "redouto" ou tout du moins qu in éto contint d arriver in haut...

j a in tiete la cote d'Doullens, in éto bin contint d arriver in haut ...

in avo pas ché moteurs d asteure, et l' 403 , après cor la 204, in sinto ché moteurs peiner dins l' cote, presque machinal'mint in s' pincho vers l avant pour aider la mécanique ....

in plus eune fo arrivés in haut, in s' rapprocho du pas d' calais .......

in avo aussi nos zindrots du qu in s arreto, chte tchiot ch'min ichi , du qu in garo l' carette et que m'mère ale sorto les sandviches au paté sans oublier l' tchiote boite du qui yavo des cornichons ......

ou ch' routier là, du qu in s arreto si i dracho d' trop et qu in avo frod

après yavo ché zindrots du qu in s arreto jamais, mais que j auro tant voulu

ch'éto les snacks bar

savez yavo cha tout l' long d' ché routes, souvint du qui yavo des hameaux , quequ' masons l' long d'la nationale ....


un parking en gravier, des grands panneaux, avec des noms que cha faijo moderne, comme Snack Bar......

pi avec ché zaffiches publicitaires d' biere : champigneules, stella artois, et surtout dins not' coin jupiler .....

souvint ché snacks i zavotent un auvent du qu in voyo ché gins accoudés ach' comptoir in train d'minger des hot dogs ...

ah j auro bin voulu qu in s arrete, mais min père , ou m'mère avotent toudis la bonne réponse

j a fait les sandviches, in va pas les j'ter
ou
in est bientôt arriver
ou
ch'est un coup à et' malate
ou
y a pas d' plache pour s' garer

à quo que j allo réponde, mais in éto djà passé , filant su l asphalte, à toute blinte, dans la Peugeot 403 break ...