cordonnier rue Anatole France
par minloute le, 18/02/2017j a l' vague souvenir que chéto rue Anatole France, am'mote j diro chéto l' mason presque en face d' la "fameusse" impasse Toupy
et yavo so un cordonnier d' profession, so quéqu un qui faijo cha in plus d' sin traval
s' mason ale donno du coté des quat' chemins
vague souvenir, d' et' rintré dins l' cour avec m' mère, té passo sul' coté del mason, ale avo ouvert l' porte, et j' el vo cor ch' monsieur là , i porto des loques d' fosse
i éto assis dins l' cour , sus' cayelle, et d' vant li y avo ch' espèce d' billot d' cordonnier du qui avo infilé eune chaussure
et i éto en train d' clouer quéquosse
derrière li , au coin, yavo eune espèce d enclos couvert et grillagé such' devant , du que d'dins yavo plein d' chaussures
am' mote des chaussures dépareillées , ou qui avotent vécues , mais qui pouvo cor in faire quéquosse ...
l' plus impressionnant chéto qui yavo un pied d' cordonnier, savez in auro dit comme un chausson du moyen ache, accroché à un bout d' bos
in auro dit la gampe artificielle d' quéqu' un, abandonnée ichi , dins ch'tas d' fouillis
mais l' première impression quand qu in rintro, après ch' bruit du martiau sul' semelle, chéto l odeur d cuir qui s' dégageo du monticule d' chaussures