le drive 1

asteure ale sont grinmint à travailler à l extérieur , j vas préciser, IN PLUS des taches ménagères qu ale faijotent avant

alors pour gagner du temps, in a cangé nos zhabitutes d achat

so teut' déplaches pu, té fais tes courses sur internet, so té vas faire tes courses dins ché drives

oh j'in intinds d'ichi dire que le drive cha chera jamais pour eusses ...

cha faut éviter d'dire "jamais" asteure, y a pas si longtimps in a été grinmint as' dire "mi j acatera jamais sur internet" ouais ouais

donc le dryve , zavez vu, tout l' monte i s'y met , j'allo dire presque d un coup, Leclerc, Leader Price , Auchan i zont leur drive

mais y a pas qu'eux, j' vo à coté d' chez mi, y a eune boulangerie "drive" qu ale s a installée à l'intrée d' la ville , à un rond point

mon diu l' monte qui y passe , faut dire qu en rintrant du traval, ou en y allant, bin t'acates tin pain sans déchinte del carette, et in plus ch' pain y est bon

pourquo qu in parle aujourd hui des drives ?

ch' est que hier à vélo, j'a vu dans eune tchiote ville à coté d' chez mi, eune nouvelle pharmacie qu'ale s'a montée, et , in grand, ch'éto marqué "drive"

tout en pédalant , cha m'a fait tiquer ch' t affaire là, alors si té pousses l' trait un peu plus fort , té vas arriver avec t' carette au "parloir" ..

d' là té vas dire bonjur , à quéqu un que té vo pas, té vas li dire, j'su inroué, l'aute à l'aute bout i va pas bin t'comprinte, cha peut durer un momint cha ..

donc té vas dire "j a maux am' gorche" et après t'avinches in carette et à l'aut' bout après que t'as payé, y a eune dame qu ale va t' donner du sirop dans eune cuillère par l' farniete ?

ah j' sais zallez dire minloute i zéxagère toudis, mais voyez asteure j' deviens méfiant ..

y a queques décennies , in "révo" d avoir 36 chaines d' télé, asteure in les compte même pu

in révo d' imaginer , d' pouvoir avant sa mort , pouvoir , un jur , discuter avec des gins à l aute bout du monte...

avec internet et Skype ch'est asteure d'un commun ... alors que cha nous paraisso fou y a pas si longtimps qu' cha

alors comme le drive cha s'développe grinmint , y a d autes professions que boulanger , grantes surfaces alimentaires , ou pharmacies qui vont s y mette

ouais mi j' vo bin des "labos drive" , ouais t arriffe à l intrée, en carette, ch'est pour eune analysse d urine, là t appuiro sur un bouton , yauro un urinal qui sortiro ..

té f'ro ta petite affaire dins l' carette, et eune fo terminé , té déposero ch' bocal un peu plus loin, ti t arpartiro directemint at' mason et t arviendro pour avoir ché résultats, toudis in carette ...

et pourquo pas ché zinfirmières aussi, t arriffes au "parloir" "bonjour madame ch'est pour eune piqure" , après t avinchero in carette..

faudro cor et' souple, mais té présintero tin derrière par l' farniette, et l'infirmière at' fero l' piqure sans que té déchindes

ch'est ti pas bio l' progrès ?