mystère d' carte postale

cha s' faijo grinmint dans l' temps, d aller à mon dech' photographe, s' faire tirer l' trombine et ch' photographe, après i developpo cha et au verso yavo d imprimé , l' dos d'eune carte postale , comme cha té pouvo invoyer l' photo à ceusses que t avo ker

asteure du que tout y va vite, té fais l' photo, teul' met sur tin ordinateur, et in route, ch' destinataire i l a tout d'suite, et cor j' su pu à la page vu qu avec ché téléphones d asteure té fait cha cor plus vite ...

cha fait un momint que j artrie toutes les photos del famile, et pour y voir plus clair, j' classe cha par année, et au hasard des cartes postales , j a qué sur cha et y a d' quo s' poser des questions

sul' photo ch'est un coupe del famile ,et au miyeu ; l' photo ale a été découpée , comme diro l aute d un coup d' ciseau rageur

j' m avinche quand que j' dis cha, j in sais rin

au départ j' m a dit, dins toutes ché familes, derrière la façate, y a toudis d' zhistoires ...

ch'est un peu comme au restaurant, y a des coups in s' doute pas d' c' qui ch' passe in cuisine ...

donc j' m a dis, tiens ichi , i devo y avoir quéqu un qui plaijo pu , qui éto derrière ch' couple là......

et qu am' mote i devo plus plaire après , j' me dijo cha pasque l' belle garnoule à droite, chéto eune tante à min père et ale éto pas connue pour et' très sympathique avec ché gins

comme que, faut pas toudis s' fier à l'apparence

j' éto sur d' min coup, quand que j a ravisé in bas de du que chéto découpé , et j a pas trouvé ché pieds d' chti qui auro du et' derrière

alors pourquo qu'in s'a "amusé" à découper derrière si yavo pas personne ?

ou alors chti qui éto derrière y auro disparu comme cha , j allo dire comme par magie ? sans préciser l' type d' magie que chéto ?

mystère mystère , qui restera à jamais eune énigme vu que ché gins là, mon diu , cha fait un momint qui sont pu là, i zont pététe arjoint chti qui éto derrière eusses ....

va t in vire .....