j auro pas du aller rouvrir l' portal
par minloute le, 26/02/2017taleure , vraimint par hasard, au hasard d eune archerche d' traduction d' mots flaminds dans l' canchon cordéonneux de not' feu camarate Raoul, j' su qué sul' site Chti org
in est quequ'zuns ichi à avoir usé nos fonds d' maronne sur chte site, certains i sont partis d eux memes, d autes i s'sont imbroulés inter eux , mais cha a été not' mason durant eune paire d années
avec Marie Claire in a parti dins ché premiers, en février 2005 pour faire "histoires de chtis" , dire qu in auro pu l appeler "bienvenue chez les chtis" ...
bref , in a voulu faire un site qui correspondro à c' qu in avo ker , djà à l époque yavo quequ'fos des "ébeulés" qu in pourro dire, qui venotent troubler la bonne marche de chte site
après té peut toudis avoir plus ou moins ker ché gins qui viennent sur un site, tant que cha parto pas en engueulates et meme en racisme ....... pi y a un momint t in a marre
et ch'est pour cha qu in a fait histoires de chtis
taleure, j ' su arvenu donc par hasard sur chti org, mon diu mes gins, savez quand que vous arvenez dans eune mason qui est pu entretenue depuis bin longtimps ...
t as du mau à ouvrer l' porte, ch'est desert, y a bin des messaches, mais cha arsempe plutôt aux grafittis que té pourro vire tagués su ché murs ....
des promotions d' marabout, des gins qui propossent des prets à des taux miraculeux .....
comme dins ché masons abandonnées , t as du mau à artrouver tes repères ........
in avo connu cha tel'mint vivant, qu in avo meme demindé au webmaster d' faire eune rubrique qu ale s appela discussions d' comptoir ...........................
j a vu que Thérèse et Batisse étotent aussi déçus d' vire commint que l' site y éto devenu
après ch'est sur , y a des rubriques, des archives , j' pinse au dictionnaire, qui est cor vraimint au top, mais l' reste , ch'est d ene tistesse
j auro pas du aller rouvrir l' portal, meme si cha fait plus de 12 ans qu in in est partis, cha m a vraimint fait du mau d' vire commint chéto devenu
signe qu in y avo passé des bons momints par le passé ..