la p'tite clef du bonheur ...
par minloute le, 09/03/2017ch'éto la p'tite clef du bonheur
j' éto tchiot et j' raviso dins l' cuisine m' mère préparer ché plats
de loin, j allo dire, mais jamais assez loin pour m' mère , qui m'dijo toudis d' faire attintion d' pas m' rapprocher du fourneau , ou d' pas mette m' tiete comme cha tout à coté del tape quand quale s'servo d'sin grand coutiau
mi tchiot, dins l' cuisine, j avo ker quand qu ale coincho le lhachoir à viante au coin del tape, et qu ale y passo ché morciaux d' bœuf qui restotent dech' bouillon
del vire comme cha incrinquer ché morciaux dins l' machine, appuyer d' sur avec un espèce d' morciau d' bo avec eune poignée rouche , pi après del vire tourner l' manivelle, et l' viante qu ale sorto par ché trous en tournicotant ...
que bonheur ..
sur qu in plus j avo dro à un tchiot bout d' viante à la fin ......
aute momint que j avo ker , chéto quand qu ale préparo l' corned beef
ch'éto et ch est toudis eune boite qui s ouve d' eune fachon espéciale, non pas avec ch' l' ouve boite, mais avec eune tchiote clé (ou clef, in peut écrire cha des deux façons, souv'nir d école, comme je m assieds ou je m assois ...)
ch'te tchiote clé qui ouvro in deux l' boite aux trois quarts
après m' mère ale metto cha dans eune assiette creusse , et là croyez pas que j' vas dire, pi ale metto cha sul' tape
ah mais nan, ale coupo bin ch' corned beef en tranches, pi ale faijo eune vinaigrette, ale rajoutto d'zéchalottes et des capres
et in mingeot cha avec des frites , que régal
par conte j ' prenno soin d' pas mette ché frites cautes such' corned beef, i perdo in gout
ah que j avo ker minger cha, mais asteure pas question d in ram'ner al' mason, grand mère ale peut pu supporter que j' minche cha
faut dire qu un coup à la télé i zont montré commint que chéto fait l' corned beef
am' mote, enfin pour mi même, in devro pas toudis savoir quo qu in minche exactemint, pasque j' su sur qu in mingero pu grand cosse ...
ch'est comme l' fricadelle, cha auro du rester secret ....
bon là chéto vraimint pas ragoutant, i prennotent tous les abats , mais vraimint les abats, même des eules d' bœuf, i broyottent tout cha, et allez in route, cha deveno tout gluant et après i versotent cha dins ché boites in fer
donc asteure j in minche pu, mais j avo ker vire m' mère ouvrir l' boite in deux avec l' clef....
( 1 photos)