faut ti in rire ou in braire
par minloute le, 19/03/2017j' sais pas si faut in rire ou in braire , in tout cas mi j a du maux à sauter ach' plafond ...
pourtant , qui qui est leader d' la ligue 2 à aujourd hui ?
bin ch'est le RC Lens ....
pourtant ch'est pas qui font des matchs commint que j' pourro dire, d' grante qualité, pour mi ch est d' la ligue 2
mais bon, mi j' vo ch' classement, i n na pas devant eux, donc i sont premiers
alors si cha continue, si i sont dins ché deux premiers i zarjoinent la ligue 1...
j' dis cha sans enthousiasme
faut dire que ch'l'clupe là y n a connu des rebondis'mints et pas souvint des bons durant ché dernieres années ...
depuis qui zont viré Gillot en 2007 , au niveau des entraineux cha a été du hourrah football comme diro l aute, et meme ch' plus méritant Kambouaré , y a évolué dans eune situation des pas très claires pour li et pour le clupe
sans parler des problèmes financiers, d la sortie de gervais martel, du crédit agricole qui arprint les rènes, et l arrivée de Mamadov
mon diu ch' jur là Martel, i auro pris n importe qui pour ardevenir président du clupe, et y a pris n importe qui ...
alors , vous m' direz i reste cor des journées à juer, et ch'est pas cor sur que l' Racing i armonte, mais j' su inquiet
j' devro et' contint, mais j a tel' mint peur qui zarmontent pour faire ch' yoyo , que les supporters, eux i faudro leur donner eune médale, d' suiffe ch' clupe avec tous ché problèmes , sans parler d aller juer à Amiens ....
alors là, j' sais pas si j' sero contint si y zarmontent, ou alors faudro d' sacrés renforts, pas ceux qui serotent promis à la fin du championnat par Gervais mais ceux qu in auro vraimint l' jur d' la reprisse ...