Min pépé à mi

Bonjour, je voulot raconter eum n'histoire sur min pépé René.
Min pépé je l' adorot, ch' etot ch' pu gentil, tout ché mercredis din l' après midi, ch' prenot min biclou pis j' allot le vire avec eum grand mère.

quint on rintrot din l'mason, y avot toudis l'meme odeur cha sintot le café pis in tio peu le vieux mais cha sentot bon quind même.
Min pépé y' étot din sin fauteuil, juste à coté de ch'poele à carbon. Ché toudis lui qu' j' allot vire in premier. J' montot sur ces genoux mais fallot faire attention parce que min pépé quint y étot pu jeune, y' avot été bien malate et ché docteurs y z' avot du li mette ind poche du que ch' brun y'allot, du coup fallot pas faire eul jacques sue sin vinte!

Pindint que mémé faisot ch' goûter, min pépé il m' amenot vire s' carette dins sin garache, une belle deudeuche bleu ciel. I m' disot que quand 'j aurais pu de lait au bout de min nez, ch' pourrot la conduire! J avot bieau m' raviser din ch' miroir, y' avot rien au bout d' min nez!

Alors du coup, un jour , min pépé, comme y' aimot bien m' faire plaijir, y ' a sorti s' deudeuche, y' a descindu l' capote pis il m'a pris sur ces genoux pour mi m' faire conduire avec ch' volant.

Ch' etot une vieille carette, il fallot deul forche pour tourner ch' volant et des grindes gampes pour ché pédales, alors ché li qui appuyot dessus. Ch' étot pas comme eul voiture de m' mère ou 'y avot tout électrique dedins, mais mi j' avot 'l impression que ch' étot une carette eud rallye.

On roulot duchemint sur eul route de ch' bois mais mi, j' avot jamais été si vite, même sur min biclou!

Le long d' eul route, i m' racontot des histoires sur s' vie quind qu' y étot jone, et quind y' étot cheminot, y' avot été résistant min pépé, ch' etot un héros dinch villache. Mi j' l' ecoutot, j' aimot bien cha.
Pis quand vint l' moment d' rintrer à l'maison, min Pépé ya reprenot s' plache au volant, parce que m'mémé, al avot pas trop querre cha, elle pinsot qu' ch'etot trop dingeureux! Cha nous faisot rire.

A s't' heure min Pépé y 'est mort depuis longtemps mais mi j' y repinche souvent, alors j' avot invie de raconter un tiot bout de note histoire à mi pis à min pépé René.

J' pinche que la haut du qu' est qu' il ait, i dot s' ennuyer de mi comme mi j' ennuie de lui, mais qui dot être bien quind même.
Je t'a querre min pépé, tu nous manques.

le mercredi t'allos pas a l'école minloute ?

Tout dépend de l'âge de Ch'grand Juju, car c'est en 1972 que la journée libérée des enfants est passée du jeudi au mercredi.

Sinon ce texte de Ch'grand Juju est très beau, c'est un bel hommage à votre pépé