au matin
par minloute le, 17/04/2017d' qui sa chicorée , Leroux ou Lestarquit ?
sin chocolat Poulain, Nesquik, Ovomaltine ou Benco ?
serviette avec sin rond d' serviette gravé à sin nom such' coté du bol
tartines beurrées coupées dins l' sens d' la longueur d' l aute cote du bol
verre d' jus d oranche pressé sul' devant
assis te bin minloute, arprinds un mete
'tention à ti minloute, j' verse ch' lait ...
passoire posée à l avinche such' bol pour éviter qu'el piau du lait ale ale dins ch' bol ....
clac qu ale faijo l' plaque del boite aux lettes incrinquée dans la porte d' devant , ch' jurnal d' la voix du nord i veno d'ete déposé
premieres lectures d' min père, ché gros tites d' la premiere pache commintés , bin sur
pi survol d' la pache d' bruay , avec commintaires à l appui
(in savo du qui avo eu des vols à la roulotte, du qui yavo eu un asquident assez graffe pour qu in in parle )
après si yavo besoin ch éto d aller vérifier ché zheures d ouvertures du dispensaire
direction après l' pache nécrologique, vire si yavo pas quéqu un qu' min père i connaisso qui s avo pas cassé s' pipe
pindant ch' temps là, m'mère ale nous donno ch' tournis, ale avo tout fait aussi.....
eune fos que ch' fourneau i éto bin in route, ale allo querre ch' pain al' boulangerie, ale arveno et chéto l' cauffache du lait, l' passache dech' café, l' pressache des oranches avec ch' robot ménager qui faijo un boucan du diape qu in l intindo des champes in haut ...
installation des bols, serviettes, dech' beurre, d' el preparation des tartines,du chuque, pi nous servir min père pi mi .....
et m' mere ale courro presque , tandis qu' min père i lijo sin journal
d ailleurs quand que m'mère ale s asseyo, enfin, ale pousso un "ouf, j' va pouvoir minger" (chéto souvint un fruit, et un bol d' café)
min père i arlevo s' tiete d' sin journal et i li faijo la morale à chaque coup " print tin temps odette, in est pas aux pieches"
mi j' rigolo dins mes moustaches quand qui dijo cha, ch'éto m'mère qu ale avo tout fait ...
la photo que j' a mis pour illustrer, ale est meme à l origine du sujet, ch'est in l' ravisant que cha m a fait tilt, ch'est eune photo d min camarate Marcel de Somain
( 1 photos)