allez in faire minger asteure
par minloute le, 19/04/2017vindiousse que j avo ker minger la lanque, eune lanque avec sin bouillon...
"j avo ker" , ch'est du participe passé chti, et comme pour le participe passé "français", j arprinds l' définition exacte ..
"le participe passé décrit eune action qu ale est passée et qu ale pas d' rapport avec ch' présent"...
ch'est tout à fait cha, asteure j' peux toudis d'minder à grand mère d' min faire eune, ch'est pas la peine d y pinser
bon faut dire que mi non plus j a pas toudis eu des bons souv'nirs , j' mingeo ou plutôt j' "supporto' d' minger que ch'bout, savez pour et' sur d' pas querre sur un nerf ....
bon pi faut dire , que ch'est pas trop ragoutant à vire non plus ...
sans compter qu à découper ch'est pas évident pour quéqu un qui "court pas après" comme diro l aute ......
artirer l' piau, couper "ch' truc là", ch'est pas que grand mère qu 'ale so à la spa, mais couper eune langue, ou couper l' tiete dech' lapin , ch'est comme pour tom cruisse , ch'est mission impossipe ......
in plus , même ché gosses , rin qu à leur dire qu in pourro minger d' la langue, cha fait BEURRRRKKK ..... alors qui vont minger des nuguettes d' poulet, qui vaut miu pas savoir commint que ch'est fait ...
allez leur in faire minger asteure, zavez intérêt à avoir prévu du gambon ...
alors cha reste pour mi un bon souvenir quand même, in in mingeo toudis à l anniversaire d'em grand mère ... j allo dire "in apéritif" vu qu après in mingeo un gigot avec ché péteux ..
cor heureux qu' min camarate Marcel d' Somain, li , cha l' dérinche pas ... la preuffe en imache ...
( 1 photos)