Langue, rollmops et oignons vinaigrés !
par Hervé62155 le, 21/04/2017Langue, rollmops et oignons vinaigrés !
Mi, d’el langue, j’aimos point quand j’étos tiot. J’trouvos ça bizarre qu’in puisse minger quekcos qu’y avot été dins l’bouche d’un animal ! A ch’teure, j’a quer cha tout plein ! J’in treuffe cor dins des bouch’ries et j’fais des bouillons d’langue l’hiver ! Un régal, caud ou frod ! J’inlève tout l’piau dès que j’artire du bouillon (ça détake bien à ch’momint-là) : caud, avec d’el moutarde ; frod avec d’el sauce persillate. Un régal !
J’a ker aussi les rollmops et tout ce qui a trimpé dins l’vinaigre ou l’sel ! Cha, cha dot être min côté polonais qui inr’sort ! Des cornichons, des bett’raves, des oignons, d’l’ail… In vieillissant, j’me régale d’pus in pus avec du salé, d’ailleurs. Incor’ qu’au marké d’Merlimont-Plache ch’matin, j’a trouvé un marchand d’victuales polonaises et j’y a akaté un gâtiau au makosz. Man, que régal ! D’min midi, j’essaie ses saucisses ed’fêtes. In verra si ch’est aussi bon.
Avoir tout ker… Ch’est pet-être parce qu’in a été appris à tout mingé quand in étiot tiots. Pas question d’faire trente-six plats (in étot cinq jones) et in mingeot c’qu’i avot à tabe. Toudis du bon, armarque : cha v’not souvient du poulailler ou des gardins d’min père…
Bon appétit, mes gins !
HK62155