le balto ou le marigny fin

comme jel dijo juste avant ch'est d eune tristesse à vire asteure ché étageres à paquets d' cigarettes

ch' noir prédominant, pu d' marques apparentes, alors que avant t avo tout un patchvorke d' couleurs d' paquets

in bas d' l étagere, au plus près del main du buraliste, t avo ché cigarettes et ch' tabac qui s' vindo l' plus

gauloisses, gitanes, pour ché cigarettes
tabac gris et tabac bleu pour ch' tabac

ch éto pas les couleurs les plus attrayantes j' vous l avoue , mais ravisez rin que pour les gauloisses

à coté du paquet bleu clair, t avo les paquets d' gauloisses vertes, et les paquets de gauloisses jaunes .....

sans oublier ch' paquet blanc et bleu des gauloisses Disque Bleu

meme la Gitane , avo un paquet d 'couleur verte ....

pi ché cigarettes Royale paquet rouge et paquet vert

Craven A et Marlboro , couleur rouge et blanque

et les Lucky Strike qui s' déclinotent sous plusieurs couleurs ...

(cor que à l époque, ch' tabac blond pour ché cigarettes , chéto surtout pour ché garnoules, ché zhommes i finquottent principal'mint du tabac brun , et meme ché femmes aussi d ailleurs, cha a cangé avant la fin des années 70, que l' tabac blond y a rimplaché dins les cœurs j allo dire, mais plutôt dins ché poumons, l' tabac brun ...)

i n avo quand meme et paradoxal'mint , in connaisso plus des marques d' cigarettes blontes d origine belge qu ' américaine

comme le paquet d' couleur verte des cigarettes Saint Michel ou Boule d Or

tabac blond , in les dijo plus "légères"

bleu foncé et forme différente pour les Boyard, là mes gins t avo l impression d' finquer un barreau d' cayelle et pourtant chéto que des cigarettes et niveau tabac, fallo t accrocher aussi ...

les Fontenoy, avec leu paquet marron clair et blanc, dans un emballache bien rigite ...

j in passe et des meilleux pour ché cigarettes , mais l' constat éto l' meme pour ché toubaques à pipe

la marque Clan avec ses carreaux ecossais, le jaune metallique du Jean Bart, le rouge ou le bleu du tabac Narval, le vert du Irish Mead, le rouge du Dunhill, etc etc

yavo ché formes aussi, du tchiot cube du tabac gris, au paralepipete du tabac Saint claude ou du fameux bleu, mais aussi ché boites métalliques pour le tabac capstan, Dunhill, Early Morning ....

asteure quand que t arriffe devant ch' présentoir, bin t as interet à savoir c' que té veux, l' marque ale est meme pu indiquée in grand such' paquet , mais aussi su l étiquette qui a devant ch' paquet

j' dis pas que ch'eto miu avant ,mais j' pinse pas qu in mettant des paquets "neutre" et d' montrer des poumons attaqués par l' tabac que cha va arreter l' consommation, pire , j a lu que ch arparto à la hausse

alors quo faire, augmenter ch' tabac, mon diu , j' a vu qu un paquet d' cigarettes asteure ch'est dans les 7 euros ch' paquet, soit dans les 49 francs si in convertisso, alors que j' me souviens que les gauloisses chéto vendu 1 franc 50 ch' paquet

sur que ché salaires ont augmenté, mais j' pinse pas dans la proportion de 1 franc 50 à 49 francs sinon cha s'sauro ...

pour terminer sur ch'tabac, meme si j' finque pu d'puis un bon momint, j avo ker sintir l odeur mélangée d' el finquée et del biere qu in s' prenno dins l' guiffe quand qu in rintro dins un bar tabac