1978 drole d' caricature

j' rappelle ichi que comme tous les sujets , ch'est eune vision que j avo de l époque, m' mémoire ale do et' sur'mint tronquée, in tout cas j' vous zarmets ichi c'que j a artenu dech' momint là ...


est ce que ch éto qu ale mason, jel pinse pas, mais en 1978, in parlo d' la montée d' la gauche, et que si Giscard d Estaing i avo été élu en 1978, in avo l impression commint vous dire, qu in commincho à espérer d' plus d' plus qui a un cang'mint de majorité

cor que, chéto cor loin d' et' clair ....

même si yavo un programme commun depuis 1972 entre le parti communiste, le parti socialiste et le mouvement des radicaux de gauche .... on sinto qui yavo djà des tensions ...

la preuffe ch' tract là, que j' vous mets en pièces jointes, tout d abord un bref rappel , le 12 et le 19 mars 1978, yavo ché élections législatives , et chéto selon la loi et le vote républicain, l' moyen d' canger d' majorité en votant pour ché députés d' gauche

mais, entre l' parti communiste et l'parti socialiste, in éto pas prêt à céder le devant d' la scène à l aute parti

ch'est ch' fameux tract que j' vous parlo , qui m avo vraimint interpellé à l époque, j avo 18 ans et que j in avo parlé à min père

j' comprenno pas, j éto pas cor habitué à tous ché revir'mints , ché zententes, ché alliances, ché cang'mints de veste qui parsèmment la vie politique ...

ch est un tract du parti communiste , pour annoncer la venue de Georges Marchais à Bruay , en vue d' l élection législative

et au dos de chte tract, in vo eune "drole" d' caricature
, in y vo eune balance, avec à gauche le parti communiste qui essaye d attirer à li le parti socialiste qui li est attiré par le plateau de droite , chti de l argent .......

j' comprenno pas que le parti communiste qui éto allié au parti socialiste, i faijo un tract comme cha , j' pinso que chéto le signe que ché deux partis i s' séparotent avant les élections .....

min père i m avo expliqué ché "touillaches" , la volonté d' pas s' faire minger par l aute parti , mais j' vous jure que cha m avo vraimint fait tiquer cha, j' pinso que ché deux partis i zallotent avincher main dans la main , comme deux communiants , tout cha pour batte la droite , in avinchant à l unisson ....

asteure j'me pose pu l' question, vu c' qu in vit ché jurs chi

après j' vous diro bin que chte caricature, quand que tel' ravisse bin, té pourro tirer des passerelles entre 1978 et 2017

1978 et 2017 ,soit 39 ans après , in s' rind compte, sans printe parti pour l un ou pour l aute, ou donner sin avis sur l évolution d' ché partis là ...

in peut au moins dire que la politique, ch'est quand même un éternel recommencement .....