j y a cru

hier chéto l' derniere journée du championnat d' la pizza ...

ouais savez avant in dijo la deuxieme ou seconte division, pis cha a été la ligue 2 , mais asteure i zont vindu ch' nom, alors cha s appelle la domino ligue 2, domino la chaine de restaurants à pizzas.....

zallez dire minloute i décaroche, vérifiez si ch'est pas vrai ...

bon j arviens à hier au soir, hier au soir chéto l' dernier jur de la domino ligue 2....

tout i s'juo entre 6 clubs et bin sur y avo le RC Lens ...

alors voyez j' m a pas inflammé, j éto sur que cha allo pas marcher, (cha ch'éto avant l' match)

j a suivi cha sur so foot pasque su la chaine internet l équipe , cha "beugo" comme on dit sul' net

bon d abord j m' a dit , cha y est ch'éto bin parti pour strasbourg, (inter nouzautes, j su contint pour eusses, i zarviennent de très très loin, alors qu in les avo connu comme champions d' France du temps que téléfoot chéto présenté par cangionni, cha nous rajeunit pas )

pi, au cours des mineutes, j a comminché am' dire, que cha commincho à sintir bon, j in éto étonné mi meme

le Racing qui meno 2 à zéro, Troyes qui éto mené à Sochaux, Amiens qui meno , et qui s éto fait rattraper par Reims ...

non là jel sinto bin, j allo pas dire que j éto confiant, j éto sur du résultat, que j m' a dit que j' ravisero les scores à la fin , mais que Lens i avo l' cul bandé d' noules

pi cha a été eune tragédie grecque ....

quand que j a vu que chéto amiens qui monto et troyes qui faijotent les barraches.....

qu amiens avo égalisé j allo pas dire dans les arrêts d' jeux, mais comme chi chéto eune prolongation vu qu in juo l' 96 ème mineute ...

que j a vu que Troyes i zavotent renversés la vapeur à Sochaux ....

j a pas pinsé à ché jueux, à l entraineur , ach' président, nan , j a pinsé à ché supporters..

i zont tout connu ché derniers années, l' déchinte en ligue 2, l' feuilleton mamadov, l' sortie et l' rintrée de gervais martel ....

i zont d' quo rager, vu qu in plus vers la fin , in a meme été le temps d un week end, en tete du championnat, bin nan, cha s'ra pas cor ch' t' année

j 'espère qu in attendra pas autant que le rc strasbourg, qui a mis plus d' 10 ans pour armonter en ligue 1, meme si zont connu des bas bin plus bas qu' nouzautes, en étant rétrogradé au fin fond du championnat amateur ......

après , si zavotent passé ch' t année, j auro pas non plus été rassuré , j' cro qui zont pas cor l' équipe pour gagner tout à la fois l' drot d armonter en ligue 1 MAIS AUSSI d' pouvoir s y maintenir durablemint ..