Merlimont hors saison 3
par minloute le, 04/06/2017in s a quitté y a djà quequ' temps en laissant l' break 403 d' min père , garé such' coté del route, juste avant l' intrée de du qui yavo ch' chalet à Merlimont Plage ...
après avoir franchi les collines du ternois, traversé Hesdin et sa campane, avalé Montreuil et ché derniers kilometes, nous vlà arrivés
mais comme j' dijo dans l' sujet précédent, ch' éto pas cor l' détente complete dans le coquepite del carette
j' diro meme qu in arrivo au bout du voyache, la tension ale pouvo cor monter grinmint
d abord i fallo qu' min père i s estirpe del carette , pas facile avec s' gampe raite, fallo qui ouv'l ' portiere, pi commint dire, i linçot pratiqu'mint s' gampe gauche à l horizontale, pour apres pouvoir passer s' gampe droite, s accrocher avec ses mains, eune al' portiere et l aute à l habitaque del carette pour s ardrecher, tout cha in faijant attintion d' pas s' faire écraser par ché carettes qui pourrotent passer
cor que, ichi, au momint du ouiquente d' Pâques, in éto pas nombreux su la route qui meno tà la plage
deuxieme épreuffe, min père , tel Bernard Blier dans 100 000 dollars au solel, conducteur dins ch' désert du sute algérien, raviso si yavo grinmint d' sape devant ch' portal
ouais ch' est un temps pas si viu qu' cha , du que , eune fo passé le garache shell , si t allo vers merlimont villache, yavo pas d' trottoirs, ch' éto que du sape
alors si l hiver y avo été très venteux, cha arrivo qu' min père i doiffe printe eune pelle et armette du sape pour que l' 403 ale puisse franchir la s'melle in béton du portal, sans risquer d' rester coinchée au miyeu du passache ......
eune fo cha vérifié, troisieme épreuffe (autant pour min père que pour nouzautes, j a oublié d' vous dire que m' mère et mi in resto sag'mint dins l' carette, fallo laisser min père, tel un éclaireur indien d étudier les alentours en terrain hostile ....)
faut dire aussi qu in sinto qu' min père i sero détindu qu eune fo l' carette rintrée , garée à l intérieur et déchargée ...
in in éto cor loin mes gins
mais j arviens à la troisieme épreuffe , ( ins' croro presque dans kho lanta ...) artirer ch' nœud del fichelle du portal
alors à dire, ch'est qu eune formalité, mais croyez me, j a vu min père s enerver plus d un coup pour défaire ché nœuds
ch' éto d autant plus frustrant que l' portal, ouais j appelle cha un portal, i faijo au miu 60 cm sur ché cotés et 40 au miyeu, que mi quand que j allo querre ch' pain, j ' prenno plaiji à pas ouvrir et à sauter par dessus telle eune gazelle ...
mais savez pour in arvenir à ché fameux nœuds, min père i ralo mais i pouvo raler que sur li meme
pasque chés nœuds ch' est li qui les avo fait l' dernier coup
bon faut dire, que l' matiere meme del fichelle cha facilito pas l' défaisache d' chez fameux nœuds ...
min père, qui avo conno la premiere et la seconte guerre mondiale, habitué à faire des économies, pi surtout à rin jeter , à récupérer des vieux bouts d' fichelles, d' cortes, enfin tout c'que té pouvo trouver su la plache un lend'main d' grand vint ........
i utiliso souvint du maillache d' filet récupéré au bord des baches, filet dont i avo défait les mailles ,patiemment, avec un coutiau l année d avant ...
bref i utilijo ch'te corde in nylon, que eune fo que t avo eune paire d' nœuds, suffijo qui a un peu d' sape pi d io qui viennent au cours des mois d' mauvais temps , v'nir s' fixer d' sur , que d ardéfaire ché nœuds cha deveno eune vraie aventure
y a meme un coup min père i a été arprinte un fin tournevis qui gardo dins l' boite à gants, pour pouvoir l' défaire et qu à la fin , i a meme coupé l' corte avec un coutiau ...
ch' coup là , la tension ale éto plus que palpape et in avo rin dit tant que l' carette ale so pas rintrée dins l' gardin juste à coté del mason ....