collection de poupées

rue raymond deruy su la droite, juste avant la rue jules Duquesnoy, enfin dans l' temps, avant que la rue raymond deruy ale bifurque à droite dans l' coin du qui yavo dans l' temps ch' coiffeur Gérard

ché masons là su la droite, avotent des portes à 2 battants , j avo ker passer par là , et comme nous ché jones, in s' dresso su la pointe des pieds pour vire quand qui faijo caud et que l' battant du haut éto ouvert, in jetto un grand coup d eule à l intérieur

j' devro plutôt dire que comme in éto curieux , in avo ker passer par là, et quand que ch' battant du haut i éto ouvert, in savo c' qui s'passo d'dins ...

mason calme du qu in intindo que l' cuicui des serins ou criaill'mint des perruches ...

mason du que chéto souvint "le théatre aux armées" comme dijo min père, cha s ingueulo , cha claquo les portes ....

et souvint in avo vue sur ch' grand buffet vaisselier qui yavo au fond

in y voyo des portraits d' communiants in aube, des portraits d' jones au service militaire , souvint aussi des souvenirs rapportés ou offerts , d' voyaches effectués dins et hors hexagone .....

des cadres avec eune photo et eune grante étoile de mer au coin, des gondoles in provenance de venise, mais souvint in y voyo, alignées comme un régimint, des collections d' poupées

chéto des poupées pas pour ché jones, nan pour ché zadultes, souvint ché représento des personnes in costume régional, d autes chéto comme des princesses, d autes chéto des costumes traditionnels d autes pays , j a l' souvenir aussi d un soldat de la garde britannique dins sin uniforme rouche ...

mi cha m' rindo perplexe, pasque j' voyo pas l interet d' collectionner pour mi des juets, mais surtout d' jamais les déballer et d' les laisser dins leur emballache in plastique rigide transparent d' forme ovale ....

ij 'me souviens un coup en passant yavo eune dame qu ale éto grimpée sur eune cayelle et qu ale passo un plumiau d' su ché boites et min camarate Philippe, qui habito l' rue d après , qui avo poussé un grand "hou" pour li faire peur, et que juste après i avo pris ses gampes à sin coup , j avo démarré insuite au quart de tour, in avo évité d' passer par là un bon bout d' temps....

mais pourquo qu' t as fait cha, ale auro pu ker à terre ? que j y a dis plus loin du coté d' la rue du skating ...

ah si ale avo pu querre à terre, ch'est eune vraie carogne chelle lale ......

viu souvenir

Mes souvenirs ed ché portes a deux battant ché que quand in passo au lever du jour din l'rue y avo ché anciens mineurs accoudé sur ech battant du bas avec leur pipe ou cigarette, ch'qui éto un paradoxe parce qu'avec leur silicose cha devo pas les arringer.

J'me souviens aussi que des copains y s'amusote à lier le battant du haut d'eine maison avec celui du voisin en laichant un peu de mou et y bucquotte à ché deux portes, ch'qui fait que quand y in a un qui ouvro el porte elle s'arfermo quand l'autre y veno ouvrir
cha chéto les jeux de gosses à l'époque y avo pas internet