Chés rues ale zavotent pas d'nom

Amotte qu'i in avo, dins chés lotisseurs ed cités minières, qui zétotent in minque d'imagination dins chés zannées 20.

Ainchi, au 16 ed Liévin, du qu'ale resto m'mère quind ale eto tchiote, chés rues ale zavotent pas d'nom mais des numéros.
M'mère ale resto rue 4 à l'époque avec touss'famile.

Pi pu tard, quind j'allo vire m'grind-mère pi m'n'arrière grind-père qui restotent insimpe, chéto rue 10.
I zavotent eune vue imprenape su chés terris jumeaux ed Loos en Gohelle.

Al fin d'chés z'années 60 pi début 70,in veiyo cor ch'transporteur métallique qu'éto accroché au flanc dech'terri.

Jèm'rappelle qu'el rue 10 ale eto nin arvêtue, ch'éto in tiere pi cailloux.
Quind i pleuvo à seio, cha dévalo sec el berdoule.
Pi in arparto à pied printe ech bus vers Lens ach'l'arrêt qu'éto toute in bas del colline rue Jules Guesde après l'barrière du 16.
Aprés cha, chés godasses ale zétotent pas bin brillantes.

Pi cor, quind in ecrivo am'grind-mère, such'l'invloppe, i fallo marquer l'adresse à l'invers : au lieu par eczampe ed: 3 rue 10, fallo marquer: rue 10 numéro 3.

Assteure al plache del'mason dem' grind-mère,ya un lotissemint réchint.
L'adresse à chés gins ché : Allée du Soleil et pi i z'y accètent par l'rue Henri de Toulouse-Lautrec.
Ché quind même pu poetic pi pu inspiré qu'rue 10.

Je n'savo pas que din certains corons on avo fait comme in amérique: "el 325è avenue", nous chéto la "9è rue"etc.

Mais, in tous cas, pendant des années, à Divion, cité La Clarence, ché rue al portotent eune lettre de l'alphabet en majuscule : rue A, rue B,..... Cha n'allo pas jusque la lettre "O", heureusemint.

J'l'ai vo dichi, tous cha moqueux d'gins, in train de dire "té reste din l'caniveau, heu non din l'rueO".