Eune goutte d' jus (photo)
par minloute le, 15/10/2017ch' est eune des photos que j a l' plus ker si in devo résumer " l esprit coron"
ché 2 femmes là, assisses dins l' cuisine ...
ins'deminte même pont si cha a été pris au matin ou l après midi...
au matin chéto pas possipe, vu qui fallo inmener ché zéfants à l école, aller faire ses courses insuite, pi faire à minger, pi après la vaisselle ...
in début d après midi , yavo un momint pour ché femmes, avant d aller arquerre ché gosses à l école, avant d'vire pour ché devoirs, avant d arfaire à minger
si in ravisse l' photo, in peut supposer que l' femme à gauche ch'est eune voisine, ale porte eune tchiote laine ....
l' tape, collée ach' mur , dins l' tchiote cuisine ,du que d'sur y a eune photo d un mariache
cha auro pu et' la photo d eune communion, souvint eune garnoule avec s' n aube, ou alors un garchon en tenue militaire avec sin costume d' sortie et sin béret sus' tiete
quequ' fos plus triste, sul' coté dech' cadre, un liseré noir, pour rappeler si le fallo cor , la disparition d un infant, plaie à jamais arfermée ...
tape arcouverte d eune toile cirée, fierté d' la ménagère, tchiot plaiji pour elle , d aller l acater à la droguerie, d ' chinger l' décor del cuisine ,comme cha , à moindre prix ....
à vire ché motifs du papier peint in do et' au tout début des années 70
d ailleurs y aut' cosse qui pourro cor y faire accroire ch'est derrière l' femme, in d'sous del farniete, y a eune gazinière
y a d' grantes chances qu ale a djà rimplaché ch' fameux fourneau
ch' fourneau qui avo l' seul avantache qui faijo toudis bien caud dins l' cuisine
mais fourneau qui salisso tout, fourneau qui fallo ayonner chaque matin er vider d' ses chintes
in hauteur , la huche à pain, chéto la mote ach' momint là, d avoir cha pour y ranger sin pain , asteure ch'est plutot démodé ...
on devine aussi que l espace dins l' cuisine y est pas si grand qu' cha, mais qu importe, et j' diro même ch' est même miu ...
i pourotent s installer dins l' pièche à coté, nan nan, in préfère chte pièche , et' à l étroit, comme cha ch'est cor plus intime, et pi ...si in veut "arfaire la rue" , raconter ché derniers potins, ch' t ambiance là, ch'est fait pour cha .....
( 1 photos)