gueule à chuque

infant yavo eune chosse que j adoro autant que j avo pas ker et pourtant j adoro les friandisses, ch'éto la réglisse

autant la réglisse in rouleaux, savez avec eune boule d' chuque au miyeu, cha chéto du nannan

in déroulo cha, j' me souviens , in mingeo cha devant la télé au soir ......

j avo armarqué au début des années 70 qui zavotent diminué ch' diamete, et cha ch est pas amélioré pisque souvint asteure l' boule d' chuque au miyeu i n' a pu

après yavo la réglisse dins des tchiotes boites in fer et là cha commincho à et' du sérieux ...

l' plus connue chéto la boite in fer zan zanoids, eune boite in fer plate, qu in faijo glicher l' couverque pour printe l' peu qui s' metto dans un tchiot réservoir

cor que quand que j' dijo "le peu", cha suffiso largemint, vu que ché touts chiots morciaux de zan chéto très très fort in bouque , mais j' diro que chéto cor pour tout l' monte ...

après , là mes gins , in atteigno l' sommome, le zan en petits pains
ch éto l' nom officiel, petits pains, in fait cha arsemblo plutot à eune toute tchiote tablette d' chocolat, toute fine , deux trop millimetes d épaisseur ...

mais là mes gins chéto pas pour ché zinfants ou alors fallo avoir l' coeur bin accroché

ch'éto d ailleurs pas qu eune expression qui fallo avoir le coeur bin accroché, pisque quand que t in mingeo beaucoup ch' palpitant i porto bin sin nom

min père i mingeo cha en fin d apres midi, j el vo cor assis à sin bureau dans l' pieche d' devant , dins l' noir, éclairé "simplement" par s' lampe sul' coté

"simplement" chéto aussi vite dit, vu que chte lampe là vu commint qu ale éclairo ale auro pu figurer dins ché flimes avec lino ventura ou jean gabin quand qui voulotent faire avouer ché gins en garde à vue

mais je m égare cor un coup, min père li i mingeo du zan en plaquette, chéto un paquet bleu foncé

la réglisse ale éto tel'mint dure, que même si yavo des carrés d' découpés sul' tablette, t arrivo jamais à les couper correctemint

combien d' coups qui m in a proposés, combien d' coups que j l a arcraché, mon diu que chéto fort en bouque, jusqu à m' faire braire

souvint à la fin d un sujet , in tire sa tchiote larme pour dire qu in argretto l' temps passé, mais ch' coup là , nan ....

eune aute utilisation d' la réglisse qu in trouvo cor souvint ché nouzautes, chéto ché batons de réglisse

cha s' vindo à mon d' chez Maréchal, boulangerie, toubaques, bonbons et pâtisseries

chéto vendu du coté du toubaque, dans un grand pot transparent en plastique , que quand que tin voulo un, madame Maréchal, ale artiro l' gros zélastique qui les teno tous ensempe pour un donner un seul

chéto les anciens finqueux qui acotent cha en général, parel fallo aimer, chéto sur moins fort que ché pains à la réglisse mais chéto pas ragoutant quand même

d abord aprés avoir été machuqués un bon momint, ch' bout i parto comme ainsi dire in chuchette, chéto tout écrasé, pas bio à vire, sans compter ché bouts d' fibre qui s' collotent inter ché dints

chéto plus près par momint du tabac à chiquer que del cigarette ....

I y a eu aussi ches "Killtoïds inventé à Lille in 1933, del réglisse avec del menthe sans sucre ajouté. (ch'est inscrit sus l'boite).
j'n'ai cor eun' boite qui date d'mathusaleme et ches pétites boules d'réglisse i sont tout fondues mais i sintent cor bon l'réglisse.