les disques à histoires

in avo cha souvint à la Noël; des disques 45 ou 33 tours du que chéto des histoires racontées par des personnes connues

je me souviens d un , ch'éto un qui avo été offert à mon cousin, eune histoire d' western, racontée par Pierre Tchernia, ch'éto le top du top, savez la pochette qui conteno à la fois le disque en li même, et un liffe, du que té pouvo suiffe d un coté l'histoire , yavo ch' texte qui éto lu , d ailleurs si té suivo pas bin yavo sul' bante son du disque eune tchiote clochette qui retentisso , pour dire qui fallo tourner l' pache , pi d' l aute eune imache, un dessin qui illustro le texte ...

j in a deux zautes souvenirs, pas forchémint agréapes, l' premier, Pierre et le loup raconté par Gérard Philippe , mi j éto tout contint d' l acouter

ouais pasque in connaicho Gérard Philippe par sin flime d' cape et d épée, Fanfan la tulipe

là, dans Pierre et le loup , à acouter ché zinstrumints d' musique juer, j' m a vite ennuyé ...

l aute disque que j in a gardé un sacré souvenir, et j'diro même qui m avo bouleversé chéto la chèvre de monsieur Seguin racontée par Fernandel

racontée par Fernandel, cha pouvo que finir bin , Fernandel qui rigolo toudis ...

bin là nan, chéto bin raconté j' vous assure, in éto avec l' cheve blanquette, in éto près à espérer qu ale fasse pas l' mur par l' farniete si j' peux m exprimer rainssi ......

mais nan, in pouvo l acouter 10 coups , 100 coups, in espéro aussi que quand qu ale parto vers la montane, qu ale s artourno pour vire le tchiot toit de la ferme de monsieur Seguin, ale so prise d ' remords et qu ale ardéchinte ...

in espéro que le loup i vienne te pas

in espéro que le loup i allo l' laisser tranquile en fin d' compte ou qu au pire, quand que le jur i allo s' léver l' maguette ale pourro ardéchinte vers la ferme

nan, à la fin d' l histoire, Fernandel i dijo toudis l' même chosse , d eune vo forte et lapidaire "ET LE LOUP LA MANGEA"

j' vous dis pas combien d' coups que j a brais, autant d' coups que j a acouté ch' disque mes gins ...