merci Aspro

"merci Aspro" am' mote que cha devo et' un slogan, j' a pas vérifié, mais comme chéto eune phrase à min père, y a d' grantes chances ...

ouais i avo l habitute de ponctuer des gestes qui faijo par des slogans publicitaires..

à tape i preno l' derniere tranche du pain et i dijo "et hop parfum Monsavon"

l' boutele d io , in plastique j' précisse, si ale éto vite, i avo ker l' lancer à travers l' pieche , quand qui yavo ché pitits zinfants, tout in dijant " pim pam poum pipo" ....

que cha faijo rire tout l' monte sauf m' mère qu ale rajoutto alors " ch'est cor mi qui va ramasser"

et que min père alors i metto s' bouque en cul d' poule et i sussuro sin prénom "Odette ma chérie mon amour" ...

bon m' mère ch'est pas pour cha qu ale sourio ,mais bon ale avo l habitute avec min père

du temps que le transistor y est arrivé dins ché masons, ché jones i l avotent toudis avec eusses

j' me souviens min frère qui s'levo , i déchindo d in haut avec sin transistor à la main, i prenno sin pitit déjeuner, transistor à coté , jusqu al' salle de bain qui l i immeno

et min frère i metto ch' poste un peu trop fort pour min père, qui li demindo "de baisser un peu le chaufffache" et eune fo qui avo fait cha min père i sorto sin slogan approprié " merci Aspro"

Aspro chéto eune marque qu in auro pu accroire indémodape, in auro juré que dans chinquante ans cha s'ro cor l' médicamint qu in prindro quand qu in auro un mal de tiete, tel'mint chéto ancré dins ché moeurs

faut dire aussi qui yavo pas comme asteure 36 sortes d' médicamints que rin qu à essayer d' les citer ch' est ti qui va avoir du maux at' tiete

asteue faut faire compliqué, ch est ibuprofène machin chosse, et ché produits à paracématol comme diro l aute

nous chéto Aspro, ou plutot pour min père chéto Aspro, i prenno cha comme j' me dijo comme un homme, comme cha ché comprimés dins s' bouque, un peu d iau et hop , nan pas parfum monsavon, mais in tout cha passo tout seu ....

mi j' raviso cha , ou plutot j observo commint qui faijo, j' voyo s' glotte monter et déchinte , et pi comme i voyo que je l' raviso, i ponctuo cha par un grand "ahhhhh" , que m'mère cha li faijo peur ....

mi aussi j a eu dro à l aspro, mais pas comme min père,nan , m'mère ale les zécraso dins ch' verre, et pas n importe quel verre am' sorto min verre du diminche, min verre d apéritif, min verre à boire min jus d' raisin de marque chaland bin sur ....

savez le verre publicitaire Byrrh, couleur vert foncé avec un médaillon couleur or collé d'sur ....


bon eune fo ché comprimés écrasés, m' mère ale rajoutto de l io , pi eune tchiote cuillère d' sucre, pi ale ayonno tout cha et ale m el'tindo

t avale cha d un coup minloute qu ale dijo, et après in in parle pu qu ale dijo

mais savez meme avec l' plus grante célérité possipe, ch' éto un fait exprès comme si par les lois chimiques in voulo s'moquer d'mi, ch' chuque i parto dins l' bouque et ch' médicamint écrasé , i resto eune bonne partie au fond

que m'mère ale rajoutto de l io, ale ayonno cor l' tout et ale m' el tindo, là chéto plus "brut de pomme " comme in diro asteure, vu que m'mère ale rajoutto pas du chuque ...

trop d' chuque ch'est pas bon pour tes dints qu ame dijo, beurk , j avalo l'tout cor rapid'mint , mais pas en m' dijant Merci Aspro

Aspro , j in a un aut' souvenir, chéto au grenier, j y avo vu mais j éto tout tchiot, yavo eune brochure publicitaire Aspro qui dato d un passache du tour de France, et aussi un capio publicitaire in papier, de couleur rose, qui à coup sur avo été distribué lors du passache du peloton .....

par conte , autant Aspro chéto toudis comme auro dit ma mère " la croix et la bannière" pour que j in printe ..

autant le Pulmoll, là comme ale dijo" là cha passe tout seu" ...

j iro pas à dire qu in éto contint d avoir du maux as' gorche, mais le pullmoll cha s' rapprocho plus d eune friandissse que d un médicamint, j' parle du gout bin sur

alors yavo 2 sortes, eune boite rouche , ou eune boite verte, mais j' a plutot le souvenir que m'mère ale prenno la boite rouche ...