du grrr au ploc ploc in passant par le vroum vroum

cha y est i n a qui s' disse , minloute y a ch' mape ...

nan mes gins j' va essayer d' vous réseumer l evolution dech' caf&é qu in buvo et tout cha sur à peine deux décennies ...

pour cha , in va à merlimont, in est en vagances, in est au matin, m' mère ale s'est levée la premiere, min père i l a suit pas longtimps après , avec devant li , comme eune lanterne, que dis je, un phare, sin pot d' champe ...

d ailleurs si j' dis "sin" pot d' champe , ch'est que à peine qui ouvro l' porte del pieche à coté , qui faijo à la fois fonction de cuisine, salle à manger, lavabo , i tindo sin pot d' champe d eune main et i dijo , ch'est presque si i crio pas , "MON POT"

ch'éto sin humour à min père, comme diro l aute un humour de répétition, que "j' cro" que j a l' meme ....

pas l' meme pot d' champe mais l' meme humour

pas m' meme pot d' champe pasque chti d' min père chéto un en ferale émaillé qui avo du connaite l' derriere d' clovis ou d' charlemane ...

pi la férale cha a un avantache ch'est que ti, qui dort dans l' meme champe, bin té peux qu acouter l' flux urinaire , comme diro l aute, d' el premiere al' derniere goutte

que ya des coups t éto contint que cha so terminé et cha tel' savo au gling gling que cha faijo quand que min père i armetto ch' couverque d' sur

mi j avo pas l' meme pot d' champe , nan l' mien chéto un "moderne" en plastique , que quand t avo invie d'picher,fallo pas respirer vu que m'mère ale avo eune sacrée dosse d eau d'javel que si t inhalo cha d un coup, té perdo l odorat pour eune paire d' jurs

zallez dire , bin vous aurotent pu aller aux cabinets, ah mais malheureux ......

meme si chéto eune mason d' vacances, chéto "un peu " spartiate comme confort, meme si in éto contint d y aller

mais les toilettes chéto dehors, un peu comme auro dit cabrel , ptete pas au fond du gardin, mais dins "l'cour" sablée, que meme si té metto l' leumiere pour aller dehors chéto un parcours du combattant

déchinte ché marches, enfin chéto des parpaings pleins faits par mon mononque, ch' est vous dire qui pouvottent te pas bouger ...

que meme si ché zallemands i zavotent su faire un mur sur l atlantique avec la méthote que mon mononque i avo fait pour construire s' maison avec ses parpaings qui faijo li meme, bin j' su sur que ch' débarquemint en 44 i auro pas réussi

après fallo traverser l' "cour" , dins ch' sape , attention d' pas s' torde les pieds, pi eune fo arrivé d'vant l' porte des cabinets, fallo l ouvrir

ouais chéto du rustique, fallo pas avoir eune poine d' mauviette pour tourner l' poignée ,et eune fo à l intérieur, fallo bin raviser c' qui nous invironno avant d' déchinte s' marronne vu que chéto aussi l' mason des crapauds et des araignées ...

vlà que j éto parti pour parler d' café, et vla qu in est parti su ché cabinets

mais arvenons à ch' café, arvenons merlimont, min père i s éto levé, mi j' éto resté dins min lit

et j acouto, faut dire que chéto pas difficile à intinte vu que la cloison entre la champe et l' aute pieche, ch'éto très fin, am'mote eune structure en poteaux d' bo arcouverte d' plaques d' placopatre comme in dijo à l époque

mi au fond d' min lit , j acouto ché bruits, tiens m' mère ale ouffe l' porte d' l étagère murale qui s'trouvo juste d' l aute coté ...

vu qu in intindo le clac de l aimant del porte, d' là m'mère ale sorto ch' beurrier en verre, ale sorto del meupe du bas ch' pain d ' la veille, pi d' quo faire du café

ouais , ch' pain du jour, m' mère ou mi si j avo été délégué, in allo l' querre après , pasque min père i dijo "si in minche ch' pain qu in vient d acater, in finira pas l aute " pi "pour tremper dinch' café ou l'chocolat cha ira bin"

et ch'est là qu in allo intinte le grr grr...