du grr au ploc ploc en passant par le vroum vroum 1
par minloute le, 09/11/2017comme j' vous l a déjà dit, à merlimont , ché couverts , ché castroles et ché faitouts, chéto souvint des chosses qui avotent déjà bin vécues
souvint " l héritache" d eune tante décédée , ou des chosses qui avotent été rimplachées al' mason à bruay
ch' est pour cha que là , pour faire ch' café, chéto cor un moulin à café à grains
de marque peugeot mes gins, avec sin bo tout patiné, et s' manivelle in feralle
m' mère al' poso sul' tape le paquet de café , de marque coop , bin sur , ale ouvro le demi dome qui yavo au d' sus du moulin, ale i metto avec eune espèce de grand doseur la quantité de grains necessaire, ale arfermo alors le demi dome ...
pour s' rassir à coté , coincher l' moulin dins ses gampes et tourner l' manivelle, cha faijo grr grr
pi ptit à ptit cha deveno plus facile à tourner à forche que les grains soient moulues
cha quéyo dans l'tchiot tiroir amovipe, avec d' chaque coté eune languete en metal qui faijo arsort, et qui permetto que l' tiroir i sorte pas d' li meme d' sin emplacement
après chéto mis dans eune cafetiere en inox , et cha coulo, mais voyez j a pas trop d' souvenir commint que cha fonctionno pasque , autant m' mère ale faijo cor sin café avec un moulin , autant m' mère ale a eu rapid'mint meme à merlimont eune cafetiere avec ses filtres mélita , bin sur ...