du grr au ploc ploc en passant par le vroum vroum 2
par minloute le, 09/11/2017en passant par le vroum vroum ...
autant in avo eu eune cafetiere moderne, à filtre, rapid'mint, autant in le moulin à café y a perduré un bon momint .......
à bruay ché faijo un momint qu in utiliso plus le moulin à café mais un moulin electrique
alors mes gins, le moulin electrique, chéto un objet qui fallo s in méfier
interdit pour mi d in approcher, j avo djà connu des sévices corporels, que m'soeur ale avo arfreumé eune porte et que j' m éto artrouvé min dogt coupé , si si j' auro pu porter plainte, mais bon ch'est m' soeur , j' y pardonne plus d' 50 après ...
interdit pour mi d in approcher pasque ch'est vrai , fallo s in méfier
y éto pas grand ch' moulin, à l époque j' trouvo que cha ressemblo à un chateau d eau, ou alors, actualités de l époque oblige, à un LEM
alors pour ceusses qui ont oublié ou ceusses qui sont trop jones, tous ceux qui ont pas suivi les explications de la conquete spaciale, avec ché maquettes de Jean Pierre Chapel ou Michel Anfrol , j' va vous raffraichir la mémoire
le LEM chéto l engin qui avo atterri sur la lune et qui transporto ché zastronautes amstrong , aldrin et collins
soyez pas étonnés que j' m in souvienne cor, j avo fait à l époque la collection des médales d' la conquete spaciale qu in pouvo faire si in faijo l' plein dans les stations shell ...
pitit par la taille, mais d un poids non négligeape ...
alors commint que cha fonctionno, t artiro ch' couverque, en plastique teinté, té metto d' dins ché grains de café, t arfermo, ou plutot t arvisso l' couverque , pi t appuyo such' bouton qui éto en bas sul' coté et là ...
et là ch' moteur i s' metto in route, et là, meme mi dins min lit, dins l' pieche à coté, l' moins que té pouvo dire ch'est que té pouvo pas ignorer ch' bruit là
si j exagéro à peine, et savez que ch'est pas min genre, j' me d'minte si ché vitres du chalet i zin trimblotent pas .....
j' devro dire aussi que m'mère ale risquo s'vie à chaque fo qu ale faijo ch' café avec l' cafetiere electrique à merlimont ...
ouais, j' vous dijo qu in ameno à merlimont ché chosses qui avotent été rimplachées à bruay, et la cafetiere electrique ale in faijo partie
ch' couverque in plastique teinté que j' vous parlo taleure, bin i éto findu et pour l' maintenir in plache ,m' mère ale devo bin tenir ch' couverque tout l' temps que ché grains de café i sottent réduits in poude
sur que cha allo bin plus vite que d'moude ch' café à la main, mais chéto quequ' zinstants dangereux, vu que sous ch' couverque en plastique, in voyo ché deux hélices qui broyotent ch' café et j auro pas voulu i laisser un dogt , sur qui finisso en tranches d' saucisson ......
pi avec le temps, avec le progrès, avec ché nouviaux produits, bin l' café en grains, y a comminché à perde du terrain et y a été rimplaché en grante partie par ch' café moulu
alors là, pu de grr grr plus de vroum vroum, nan que du floc floc et j' devo préciser précéde d un "pschitttttt"
ouais m' mère ale a ramené à merlimont eune cafetiere j allo dire moderne, cor que asteure in est plutot avec des machines type "senséo"...
enfin à l époque, les filtres mélita, avec leurs différents numéro d' grammage, chéto un sacré plus
m' mère ale metto d un coté ch' café moulu, ale rimplisso d io ch' reservoir sul' coté
à un momint cha faijo pchtitt, suivi d eune espèce d' gargouil'mint , d' tuyauterie qui s' débouche, et là ch' café "i allo passer"
et au tout début, mi j avo ker aller écouter ché toutes premieres gouttes querre, pasque quand qu ale quéyo sul' filtre, cha faijo floc floc .............
cha y est mes gins la boucle est bouclée, et pour vous faire arsouvenir du moulin electrique, j' vous mets ci joint la photo
( 1 photos)