arrivée de la télé et demandez le programme 1

bon ...commint vous dire ...

in a été déçus......

d abord i s a rin passé .... normal qui dit ch' gars, j a alleumé que ch' transfo et fallo attinte que l' tchiote leumière qui yavo sul' coté du boitier ale so bin verte

cha y est chéto fait ..

alors là , deuxième étape, deuxième grand espoir ... ch' monsieur i appuie such' bouton del télévision

et in a été décus....

ouais mi qui m attindo à vire Sheila tout d' suite, y a fallu attinte et cha a été crispant

savez à l époque y a fallu faire ch' réglache d' l'antenne, li trouver s' bonne plache ...

ouais fallo qu ale so dirigée vers la grante antenne de Bouvigny, située su ché collines de l Artois, après ch' bois d Ohlain, qu ale domino de par sa hauteur , la plaine, de Béthune à Lens .....


un peu plus à gauche, un peu moins, min père i éto dins l' couloir et i faijo commint qu in pourro dire, i dijo à chti qui éto in haut, les recommandations de réglaches de chti qui éto en bas

eune fos l' antenne bin orientée, y a fallu programmer ché chaines ...

fallo cor et' patient, autant asteure cha s'fait automatiqu'mint , autant à l époque chéto cor tout manuel

alors pour avoir à la fois, la chaine et l' son , avoir eune bonne qualité d imaches, avoir eune imache qu ale saute pas ...

cha a duré un bon momint , même que mi cha m intéresso pu trop d attinte, j' voulo qu' cha marche un point c'est tout ..

vous dire combien d' temps cha a duré, comme auro dit Fernand Raynaud dans un squetche "un certain temps", qui m'a semblé bin long

mais enfin in y est arrivé, alors attintion mes gins , j' dis cha cor aux plus jones, croyez pas que comme asteure in seurfo su ché chaines ...

d abord quand que l' télé ale est arrivée al' mason, yavo que deux chaines, et chéto en noir et blanc, si si cha a pu exister, et j'devro même dire qu in s'in continto sans soucis, pasque aussi in parlo bin qu un jour qu in pourro avoir plus de 100 chaines, mais en 1967 ou en 1968 in imagino que cha s' ro pas d actualité avant un sieque ou tout du moins dans un futur très lointain ......

cha y est l' télé ale est là , ché gars i sont arpartis, l' porte ale est freumée , mais croyez pas qu in allo raviser l' télé tout de suite

nan , in avo des comportements que j' diro cor "responsapes"

in raviso la télé que si yavo quéquosse d'intéressant ......