la rue qui sint ....
par minloute le, 24/11/2017ch'est nouzautes, écoliers d' l école Loubet qu in l appelo comme cha ...
la rue qui sint, en fait ch'éto pas une rue ch'éto plutot un passache qui permetto de la rue Henri Cadot d' s artrouver Rue Alfred Leroy in évitant c'qu on appelo le cercle
j vous parle d' cha chéto fin des années 60 aussi et, al' reflexion j' sero pu vous dire du qu in atterisso su la rue Alfred Leroy , à quel indroit
j sais que plus tard, yavo un parking derrière, ch'est là que pas mal d' professeurs i garotent leu carettes ....et que de ch' parking là in pouvo arvenir sur la rue Alfred Leroy par un tchiot passache qui yavo au niveau du marchand d' vet'mints georges paul
après cha a cangé , cha a été arlié à la rue du Périgord, mais ach' momint là, j éto djà pu beaucoup sur Bruay ......
mais arvenons ach' fameux passache, qui s appelle in fait l impasse duquesne....
in l appelo la "rue qui sint" pasque dins chte rue là y avo un panneau du que chéto marqué "pédicure"
"drole" d' métier cha, j avo d'mindé am' mère à quo que cha servo un "pédicure", ale m avo donné l explication, mais j'me dijo que chéto un métier que j auro pas eu ker à faire, s occuper des pieds des zautes...jamais ....
j l' imagino elle ou lui, j' savo si chéto un homme ou eune femme qu ale faijo ch'te profession, mais j' me dijo que cha devo pas et' ragoutant tous les jurs ...
alors quand qu in passo d'vant l' affiche, in faijo semblant que cha sinto fort, qu in boucho sin nez comme si yavo eune odeur qui émano d'el porte ....
zallez dire, ché jones, i zont d' l imagination à arvinte , mais savez , comme dissent certains téléflimes, ch'est "inspiré de faits réels" ....
dins l' classe in avo un camarate que quand qui faijo très bio à Bruay , bin nouzautes in in profito ..., vu que ch'éto à ché zoccasions là qui metto l' ensempe meurtrier pour nos naziaux à savoir ...cauchettes sandalettes ...
vindiousse qui sinto des pieds chtilale, alors quand qu in passo dins ch' te rue du qui yavo un "pédicure" in bouchant sin nez et en s artournant sur li in li dijo que l odeur qu'in croyo sintir , ale veno pététe pas du pédicure, mais simplemint d' ses panards à li ....
zallez dire minloute i exagère cor, sauf que , véridique, j a eu l occasion quequ'zannées après d' partager la même chambe qu' li.....
j avo mis mes conditions.......
cauchettes et chaussures such' balcon sinon cha pourro pas l' faire ...
bin i li suffiso d artirer ses cauchettes, et d'les laisser trainer à terre quequ' mineutes, ale devenotent toutes raides , comme si ale zavotent d un coup eune raideur cadavérique ........ un mystère d' la nature ...
ech l'impasse Duquesne!!! sur ette photo minloute, el pédicure al éto al dernière maison in haut sur el droite. J'cros qu'al s'appelo Mme Carouge.
In tout cas j'ai bien connu esse petite fille Chantal Carouge qui s'est installée comme infirmière libérale un peu au dessus de la mairie de Labuissière. Té l'as peut ette croisé au lycée Carnot passe que Chantal al do avoir 61 ans.
L'impasse Duquenne , je m'rappelle pu mais al devo déboucher din l'rue Davy. Peut ette que Marcel i s'in rappelle.
In tout cas, si in ravisse ette photo : à l'intrée, du qu'i y a 2 barrières, sur la gauche chéto el marchande de sous-vêtements féminins et juste après, y avo eune grande salle qui servo de dancing après la guerre.
Et quand j'étos in 6è, in allo y faire nos cours de gymnastique.
( 2 photos)