le ronéotype et le collache

le ronéotype, té raconte cha asteure à ché jones, it' rigolerotent au nez, nous in trouvo cha merveilleux et magique

ch' maite i arcopio ch' texte sur un bloc espécial d' trois feules, pi y allo au fond d'la classe, du que trono le ronéotype

là i inserro l' feule d' dins, i vérifio qui yavo assez d' feules, pi après i tourno cha avec la manivelle ,comme si i juo d' l orgue d' barbarie

quand qu in ravisse sur internet, le ronéotype cha s appelle aussi un duplicateur à alcool ..

cha porto bin sin nom, un duplicateur à alcool... vinguette y a des coups as' s' demander si y avo eu un éthyloteste al' sortie si in auro pas été positifs ...

vinguette cha sinto fort ..... d ailleurs souvint ch' maite i étalo ché feules sur eune grante table sinan si i les zarmetto en tas trop vite, ché feules ale s imbibottent les eunes les zautes,cha faijo qu in voyo pu bin s' qui éto écrit ...

aut' probleme aussi, y a des coups in voyo ch'maite aller au fond avec sin bidon, i armetto d' l alcool dins l' réservoir, alors parel, la classe in auro dit macao l enfer du jeu, cha t' preno al' tiete ......

mais nouzautes in y voyo d' sacrés avantaches au rénéo, d ailleurs on fond d' nous meme in s' dijo que ch' maite i éto un tchiot peu "fate" , à nous sortir ché leçons comme cha , toutes faites ...
pour nous in y voyo l avantache d' pas avoir grand cosse à arcopier, ch' est vrai par ci par là , i manquo des mots dans les phrases, ch'éto à nous d' les completer

et aut' grand avantache, avec le ronéo in avo dro d écrire au stylo bile ....

mais le texte de ronéotype, in devo ensuite l' coller dins nos cahiers ..
tout comme in devo faire dans la classe de mr Robitaillé pour ché dessins des poésies, et là pour mi chéto loin d' et' gagné ..

la colle ach' momint là, la seule qui éto autorisée, chéto la colle en pot , savez la colle Clépotatre

j adoro l odeur qu ale avo, as' présento dans un tchiot pot, du qu au miyeu yavo un emplacement pour y mette la spatule , qui avo l allure d eune tchiote escoupe

bon mi l' premier probleme que j' pouvo avoir ,ch'éto d' pas avoir bin arfermé l' pot l' coup avant ,et lorsque j ouvro l' pot , chéto tout sec à l intérieur

alors là fallo avoir d' bons camarates autour d' ti, prets à t' preter leur pot de colle, sans que ch' maite i le vo ...

ouais pasque ch'éto interdit d' es preter la colle, ti té risquo de printe eune punition ,mais aussi tin camarate si i t'l a passo quand meme et qui s' faijo printe ...

mais meme , avec un pot d' colle normal, chéto pas facile pour mi, j' metto pas l' meme quantité d' colle , j in metto souvint bin d' trop, cha faijo d' gros patés ...

cha m arrivo cor assez souvint ,j rintro al' mason, j' gouto, bon chéto l' momint d' réviser ché leçons ou d apprinte la poésie ,et j m artrouvo d' lèque, pasque ché paches, entre temps ale s étotent collées ensempe

m' mère ale m ingueulo, min père i veno à la rescousse avec eune lame d' rasoir , y a des coups cha allo cor assez , mais j'me souviens un coup ,y avo découpé l' feule mais chéto impossipe del' faire correctemint vu l' paquet d' colle .....

j ' a ralé, et min père i m a qué d'sus, et ch' maite aussi à la prochaine interrogation quand qui ya vu min cahier rafistolé ....

viux souvenirs ,que cha a asteure 50 ans , mon diu chéto pas si viux qu' cha , que j' pinso ...