l'art dins ché corons .....
par minloute le, 03/12/2017ouh là là, j' va pas vous printe les boyaux d' la tête pour vous faire un cours sur la définition de l art, ch'est pas le lieu, et j' su pas la bonne personne pour faire cha ...
par conte, cha arriffe comme cha , qu in so commint qu in pourro dire "armué" par un tableau ou eune photo ....
ch' coup chi , j' comprinds miu ché gins qui peuvent comme cha rester un bon momint dins zin musée , devant eune toile, concentrés à admirer eune oeuvre
mi j a pris eune sacrée baffe dins m' guiffe, ch' est pas un tableau de maitre , j allo dire ch' est "simplement" eune photographie
eune photographie noir et blanc prisse par Emmanuel Radon
Emmanuel Radon, j' el conno pas plus qu' vouzautes, mais j' teno ichi à mette sin nom, j allo dire en valeur, pasque pour mi y a su capter quequosse qui nous touche tous, nouzautes qu in a connu eune certaine époque ou que tout au moins in in conno bin l histoire
j a vu ch'te photo, qui fait partie de toute eune série qui a prisse dans Bruay , et qui a publié sur facebook dans le groupe "si t es Bruaysien"
j' vous plante d abord le décor
ch'est eune photo qui a été prise à Bruay , in haut au 3, j allo presque dire, pour c' qui en reste , ou plutôt c' qui va in rester
cha été photographié rue Desseilligny, savez celle qu ale faijo partie de toutes ché rues parallèles qui n en finissotent pas, rues Leconte, Desseilligny, Alger, Constantine, Oran ou de Bone
cor que la rue Desseilligny, ale éto particulier'mint longue, vu qu ale continuo d' l aute coté du boulevard Basly pour aller s' terminer tout au bout tout au bout au niveau d' la rue Paul Daguercar
j a imployé le passé, cha sera bintot l' cas pasque y a eune bonne partie qui va éte bintot rasé
pour expliquer la photo faut savoir qu en 2015 la réalisatrice Agnes Varda avo tourné un flime dont une partie se déroulait à Bruay au 3
in fait ch'te flime ch éto pour mette en valeur le traval d un artiste qui s appelle JR
ch' monsieur là i avo pris des photos soit i avo utilisé des viux clichés, qui arproduit sur de grantes baches et qui déploie sur des batimints souvint sur les lieux mêmes du qui zavotent été prisses
2 ans après, ché baches ale zont pris ché zintempéries, et souvint réduites asteure à pas grand cosse
comme si pour un deuxième coup , in réffaço d' la mémoire quéquosse qu in avo arsorti .....
in ravisant le cliché, in sachant que même ch' support en briques, ché fameux corons vont bintot disparaite, mi j y a trouvé comme diro l aute eune "symbolique forte" ...
in tout cas un sacré coup d' chance, quand qu in vo que le temps et surtout les intempéries ont permis de garder les tro quarts du visache d un jone galibot, té peux te d'minder si tout cha ch'est que de l orde du hasard, heureux hasard in tout cas ...
as' deminder aussi si l’œuvre de l artiste ale sero pas cor plus forte sur ce cliché que quand qui l a installée ....
un grand merci à Emmanuel Radon pour ces clichés, publiés avec son autorisation préalable
( 1 photos)