va te brosser
par minloute le, 04/12/2017commint que j' pourro dire cha ,"départ pour un enter'mint" ..
ch' est vrai min père i dijo toudis que du fait qui avo été opéré d'es' gampe quand qui éto jone, cha li avo permis d' viffe bin longtimps , jusqu à sa 92 ème année
et quand qui s' préparo pour y aller , i in parlo souvint , en précisant, "mon diu , j in a interré des générations, l' pire ch'est tous ché gins bin plus jones qu'mi"
lavache , rasache, habillache, min père éto fin pret pour partir
yavo toudis l' derniere vérificaiton " Odette !"( ch'est m'mère" et i dijo après " cha va ?"
alors m' mère ale arrivo avec la fameusse brosse qu ale avo artiré d 'sin support sabot
ale arrivo savez un peu comme ché "pitites mains" qui s actiffent juste avant qu un mannequin d un grand couturier qu ale comminche sin défilé
j' cro que chéto vraimint la volonté que s' n'homme i so bin habillé, que rin qui dépasse, ale armetto bin sin col, et passo l' brosse sur sin mantiau
mon diu l' passache del brosse..m' mère ale faijo cha à eune vitesse qu ale auro pu postuler à faire ché cang'mints d' roues qu in vo dins les standes des grands prix d'formule 1..
faut dire qu' min père i l appelo quand que pour li is' sinto pret, et fallo pas que l' brossache i dure trop longtimps sinon m' mère ale auro du l' suiffe jusqu à s' carette ......
( 1 photos)