de Merlimont à Stella
par minloute le, 06/12/2017La traversée des grands espaces à Merlimont,,,
quand que j' vous parle des grands espaces, j' fais références à ché grandes étendues qu in voyo dins ché ouesternes
faut dire que l'paysache i s i pretto, d un coté la plage, avec ses grantes étendues qui n avotent rin à envier aux grantes plaines du kansas ou de l oklhaoma, et les dunes qui arsemblotent aussi bin aux montagnes rocheusses, qu' aux paysages désertiques du colorado magnifiés par John Ford ,,,,,
faut dire qu' entre ché ouesternes à la télé , ché films qu in pouvo vire au cinéma , ou cor miu les petits liffes de bantes dessinées avec nos héros préférés, tex jones, tex bill, kit carson, voir bleck le rock qu in liso , arliso , quand qui dracho d'trop et qu in pouvo pas faire un tour à la mer, cha pouvo que développer not' imagination ,,,,,
quand que mes parints décidotent d aller à Stella à pied, même si au début j' ralo toudis un peu pasque cha m' paraisso très loin tout cha , mais eune fo in route, j éto tout contint quand qu in faijo le trajet Merlimont Stella, ch'est qui faijo couvert, ou qui yavo du vint , enfin dans tous les cas in auro pas pu s assoir ni aller mette ché zortiaux dins les baches ,,,,,,,,,,
bon , « en ville » jusqu à la plage j' resto à coté d' mes parints ou tout au moins j allo pas loin devant , in tout cas j' devo les zattente à chaque coup que j' devo traverser ché routes, même si yavo pas d' carettes in vue
in arrivo enfin au niveau de l esplanade, pu d' routes à traverser, j pouvo enfin courir jusqu à la rambarde, et pouvoir d un coup embrasser tout l' paysache qui s offro à mi
j y voyo pas Berck su ma gauche et Stella su ma droite, nan pour mi , chéto l' début du désert de l Arizona avec tous ses dangers ,,,,
cha y est j avo l' dro d' partir en avant, là j' metto discret'mint min kaouay qui éto roulé en boule, sul' coté , comme si j avo un pistolet sul' coté ,,,,,