peur durant l occupation 1
par minloute le, 16/12/2017min père durant la seconte guerre mondiale, y a eu un ptit role dans la résistance, i m in avo jamais parlé, ch'est mon mononque un coup que j' y d'mindo des souvenirs qui m in a parlé
i faijotent parti d un mouvement de resistance chrétien, pas d armes, pas de faits héroiques, (quo que in pourro y arvenir), surtout des renseignemints glanés par chi parlà qui zardonnotent à un ingénieur du 5
min père i éto chargé, quand qui zarchevotent d' l argent en provenance de Londres, de l apporter à des familes qui zétotent dans le besoin, ayant un chef de famille incarcèré le plus souvint à Loos
et im' raconto , eune ed' ses peurs de ch' momint là, i allo au traval, i marcho such' trottoir, quand que d un coup y a un side car qui s arrete à sa hauteur
savez , le side car, avec ch' conducteur del moto, et l aute assis avec un fusil mitrailleur...
i s arretent donc devant min père et i li d'minte un truc, qui comprenno pas
ché zallemands i d'mindotent après marlesses lesses minesses
après y a compris qui cachotent simplemint la direction de marles les mines , mais y en a été pour eune bonne peur quand meme ....