peur durant l occupation 2

j va vous raconter un "haut fait de resistance" d' monmononque

i éto né en 23, j' su obligé d' préciser comme i dijo à chaque coup, "né en 23, à Bailleul, au pied du Mont Noir" ......

ch'est vous dire qui éto bin jone durant l occupation, l ayant connu bin plus tard, "j imagine" que ch'éto djà un "chien fou", et que quand qui avo eune idée dans la tete i allo pas en canger ..

ma mère comme ma tante, habitotent rue anatole france, anciennement au numéro 75, ch'est l' premiere mason qu in vo rue anatole france, su la gauche quand que cha ardéchint vers les quat' chemins, juste avant ya des masons d abattues et in face un parking

li mon mononque i habito avec s' mère pas loin d' chez dreze, savez, pas loin du pont du 2 , rue florent evrard

l' soir yavo couvre feu, mais quand qui arparto d' el mason d'em grand mère et qui avo été vire s' future, i faijo attention comme diro l aute à pas s' faire printe par la patroule

sin parcours, i sorto del mason rue anatole france, par ch' gardin du fond, de là i arpasso par un gardin de la rue de chatelleraut, traverso la route, faijo parel pour arriver dins ché gardins d' la rue d isbergues, i traverso l' route in faijant attention

et là enfin , i s 'sinto en sécurité, i s artrouvo dans un dédale d' gardins, ceux des masons d' la rue de pont à vendin d un coté , et d' la rue d anzin à l époque avant qu ale s appelle rue raymond deruy

plus bas , i éto presque arrivé, i passo par ché gardins derriere la rue jules duquesnoy

un jur, qui éto presque arrivé as' mason, comme i dijo i avo du canger un tchiot peu d' parcours, bin y a sinti l' sol s' dérober sous ses pieds

quand que j' dis "sinti", i l a vite sinti après, vu qui a tombé dans eune cuve remplie d' brin

et après i nous raconto l' arrivée as' mason des' mère dins l état qui éto .....

quand que j' dis raconto, savez quand qu in fait des réunions d' famile, meme si ch'est qu un coup par année, in pouvo pas passer un repas de nouvel année ou juste après lors du repas d anniversaire d' ma grand mère, sans qui ya quelqu un qui li d'minte pas d' la raconter à nouveau

oh, Parrain, comme j' l appelo , i s' faijo à peine prié pour la raconter, qu in connaisso l histoire par coeur mais qu in attindo la chute, (ch'est le cas d' le dire)....

bin sur i finisso par dire qui s éto sacrifié , qui avo franchi tous ché dangers là, pour artrouver "sa colombe" , et in rio tous, li comme nouzautes, de bon coeur .....