ché vints d Artois...
par minloute le, 17/12/2017Dins l' nord le ciel y est pas comme ailleurs
toudis en mouv'mint , rar'mint sans nuaches
ché nuaches ,y a des coups té t arréto rin que pour les raviser ,à les vire passer à toute blinte
bin carqués, drache assurée ,,,,,,,,
quequ' fo in prio en espérant que cha ale s' deverser plus loin, que cha qué pas sur nos équalettes comme dijo m' mère, ou aut' expression à elle, qui qué pas des zalbardes,,,,,,,,
mais nouzaute in savo qu' eune fo ch' troupeau d' moutons passé, un aute y s' pointo toudis pas longtimps après
ch est not' bio ciel d artois, ciel venteux à souhait , suffijo d aller su les hauteurs d' lorette , pire du mont st eloy, tet' plinto lç, té raviso l' ciel et cha t' donno presque le vertige
such' plateau arrageois, et là té les sinto les bourrasques ,,,
meme en carette su l autoroute, quand que t armonto vers le bassin minier, là haut par momints té devo bin l' tenir ch' volant ,,,,,,,
et pourtant à d' autes momints, in l auro voulu plus fort ch' vint ,savez ché momints du qui bruine eune paire d' jours sans s arreter,,,, ciel gris, comme si ché nuaches , au d' sus d' nos tietes, i s étotent arrétés ,,,,
draches ou bruine permanente, capuchon in plastique transparent sur ché caveaux, gabarnine sul' dos,,,
et puis duch'mint , tout duch'mint, « l' temps i faijo un mouv'ment » comme dijo m' mère
tout douch'mint, d un temps d' pleuffe, in pouvo arriver à un jur d' grand solel,,,
oh cha s' faijo pas comme cha d un claqu'mint d' dogts, nan pour faire sin mouv'mint ch' temps li fallo bin 2 jurs et cor j' su optimisse ,,,
j éto tel'mint habitué ach' temps là , que l' premier coup que j a été en vagances dans les Landes, j' a pas compris commint qu in pouvo avoir eune drache d' folie au matin, du solel à midi et tout sec au sol au soir, as' deminder si in n' avo pas révé ,,,,,,,,,,,,
en photo , les terrils d Haillicourt , photo publiée avec l aimable autorisation de Sofifoto
( 1 photos)