un cadeau de Noël la visionneuse

ch'est un cadeau qui m avo grinmint marqué, eune visionneuse

commint vous l' décrire ...

Cha arsemblo à eune paire d' jumelles et fallo incrinquer par l' dessus eune fiche en papier renforcée, du qui yavo à chaque niveau , deux fos l' même l'tchiote diapositive

de tchiotes diapositives, mais que eune fo que té les metto d' dins l apparel, suffiso qui a eune forte loupe su ché objectifs et eune leumière à l arrière, cha donno l impression de profondeur et de relief

pour vous dire, j' devo avoir 6 ans au plus, certaines fiches, j'les raviso au moins avec respect si j' voudro pas passer pour un froussard, sinon avec eune certaine appréhension

rigolez mes gins, sur qu asteure qu avec les derniers jeux vidéos, ou tout c' qui comminche à nous querre d' sus en "monte virtuel" comme i dissent , cha parait asteure ridicule ..

mais que voulez vous, au miyeu des années 60, in avo cor , nous ché jones eune certaine innocence , et eune facilité à querre dans l'emerveill'mint , alors qu asteure , pour que ché jones i so surpris , faut s' lever vraimint tôt

ché fiches, ale zavotent différents thèmes, j me souviens du plus "soft" , chéto chamonixe et le mont blanc, avec eune vue du train du montenvers, et que de bios paysaches enneigés qu in croyo presque à portée d' main

j' dis à portée d' main, j auro pu dire qu in avo l impression que cha s' déroulo juste devant nouzautes

alors yavo eune carte que j raviso toudis en faisant attention pasque cha m impressionno grinmint , chéto le theme du cirque

vinquette, j avo l impression que ché yons dans la cage i zalotent sauter such dompteur ........ que j' pouvo raviser 10 fos 100 fos , in in voyo un , musques saillants, qui faijo du porté d eune aut' personne, tout in lançant d'zanneaux

mais le pire pour mi, enfin c' qui m interpello l' plus, chéto la fiche du qui yavo les aventures de Pinocchio

j' sais pas si zavez lu les vraies aventures de Pinocchio, mais ch' est loin d' ete vraimint rigolo rigolo ..

alors à vire ché diapos, extraites du flime animé des années 40 , j a ravisé sur internet , y a des momints j avo envie d' dire à Pinocchio, jue pas avec ch' renard et sin complice, té va t' faire avoir, ou arrête d' mintir tin nez i va s allonger

mais l' pire chéto pas cha, yavo eune diapo qui arpresento Pinocchio sur un radeau, dans l' bouque même d eune baleine, li i s in rind pas vraimint compte et i s' rind pas compte du danger

d 'ailleurs j' comprenno pas, et pourtant j avo ravisé souvint ché diapos, j' comprenno pas que Pinocchio, à forche d' et' dins l' gueule d' la baleine, i sint rinde pas compte .....

cor un mystère ....

Mi j'a core dins mes archives un View-Master, je vous l'mets in photo avec queques pochettes

Dins chaque pochette y avot 3 disques de 7 photos , photos qui étotent in double sur el disque pour faire l'effet de relief et ché cha qui étot génial , l'effet ed relief

Comme j'les a sorties j'viens d'les raviser... et j'a été transportée plus d' quarante ans in arrière et avec les sintimints que j'avos à ch' t'époque là in ravisant chés diapositives


Y a eu d'autes modèles, d'autes marques que View-Master, nottammint le stéréoscope Lestrade, dù que là les disques étotent pas ronds mais rectangulaires


Photo du View-Master