faut pas toudis s' fier à c' qu in vo

faut pas toudis s' fier à c' qu in vo, eune tchiote histoire qui m a valu la moquerie (discrete) d eune prof d histoire géo du college rostand que j a oublié sin nom, faut dire que cha va bintot faire eune cinquantaine d années ch' t ' affaire là ..

j avo dja ker l histoire, et chte prof ale nous faijo participer à ses cours, qu en plus , si té participo bien, ale nous donno eune bonne note supplémentaire, bonne note qui éto pour mi la bienvenue, si ale pouvo , meme qu en partie compenser ch'est l' cas del dire , mon desastre digne de waterloo en mathématiques

j' parle de waterloo, pasque justemint cha avo trait à eune question de la prof , qui nous d'mindo si in connaisso le nom de genéraux ou de maréchaux célébes de Napoléon

bon , pour les premiers pas de probleme, j a pinsé à Murat l extravagant, j a pinsé à Ney, Grouchy, Lannes et compagnie

vous m'direz chéto pas non plus très compliqué , vu que j avo gardé des fiches d' soldats célébes de l empire, fiches plastifiées qu in trouvo à eune époque comme support publicitaire à la marque d' lessiffe Persil, savez ché barils d' poude ..

mais l' prof ale in voulo cor d autes, et mi j a arlévé m'main et j a dis "Courvoisier" la prof ale m a dit nan, mi j a insisté j éto sur d' mi .....

nan qu ale a dit, alors j' m a rassis , mais vesqué , j éto sur d avoir bon, vu que j ' l avo vu quequ' part

j' rinte à la maison , j in parle à mes parints, cha leur dit rin d abord , bin sur, tout d'suite après j a été raviser dinch' dictionnaire, pas de général Courvoisier

ch' est dans la soirée que cha m a arvénu, chte fameux général de napoléon , enfin jel voyo comme cha, chéto en fait eune affiche que j' voyo quand qu in allo à Merlimont en carette

savez chéto l époque du que les pignons des masons les plus en vue sur la route, étotent souvint arcouvertes non pas d un panneau publicitaire, mais carémint peintes su ché briques, avec un slogan qui asteure ferotent bondir ché gins d' la sécurité routiere

mi , tout jone, et qui buvo pas, j' savo que le vin fou ch'éto Henri Maire, que Dubo Dubon Dubonnet, ch'éto pour vinde les mérites d eune marque d apéritif , sans compter du vin Kiravi , qui am'mote vu sin nom devo et' sacrémint bon ...
yavo aussi des figures que j' trouvo rigolotes comme le père magloire, ch' normand bien en joues, avec sin bonnet d' nuit sus' tiete , qui vanto les mérites d un calvados qui porto sin nom

eune aute publicité et ché là que j auro pas du m'fier à c' que j voyo, chéto ...le cognac Courvoisier , eune affiche avec en fond, la silhouette de l empereur


l' cours d histoire d après, chéto cor sur napoléon, faut dire aussi que entre son sacre, ses mariaches, ses alliances, ses traités, ses batailles, sin départ à l ile d elbe , son retour, waterloo, et son exil à sainte hélene, fallo bin plusieurs lecons pour en v'nir à bout, ( en plus in devo apprinte du que ché frères y zétotent rois pendant ch' temps là , sans oublier le traitre bernadotte qui éto parti en suede pi qu après i allo s' batte contre napoléon

ch' cours là j' peux vous dire que j avo profil bas, mais ale rin dit , pi bin sur l' coup après in a eu un devoir sur napoleon

j a eu eune bonne note, mais en rendant min devoir ale m a dit , pas fort, mais en souriant d' coin " au fait, vous vous etes renseigné sur Courvoisier ?"

j peux vous dire que ch' coup là j a viré au rouche en moins d' deux ...