te radotes
par minloute le, 03/04/2018ah j' su sur que zavez tous au moins 2 souvenirs, un que zavez dit ou quéqu un proche d' vous qui dijo "té radotes", et ....... sur aussi qu in vous a dit aussi un jur " té radotes" ...
in va commincher par l' deuxième cas, in a toudis du maux à admette que sur un sujet précis in répète toudis la même chosse ......
pour ti ch 'est tel' mint important ou que cha ramène grinmint d émotions .... et ché gins autour d' ti, té lé vo lever les ziux au ciel , et souffler bin fort ...
que là qu' té même étonné qui réagissent comme cha, vu que ti , t as toudis l' même plaiji à raconter l' même histoire.....
allez j' va vous l avouer, mi au moins eune fo par semaine, asteure ch' est par jeu, j' comminche à raconter l arrivée du poste téléviseur al ' mason .......
m' file ale conno ché phrases par coeur, qu ale s arrinche même à les dire avant mi , pour que j' freume min clapet .....
mais arvenons du pourquoi du commint que j' m a dit que j allo parler d' cha ...
j' va sur pinterest glaner des imaches et là j' su qué sur eune imache qu ale m a fait "tiquer" .....
que j' m a tout d' suite dit, j' va faire un sujet là d'sus, et cha va s appeler "du fromache au zoo de Vincennes"
bon j' l a appelé quand même té radotes, mais j' va vous raconter quand même l histoire du fromache et du zoo de vincennes.....
l' radotache à min père .....
allez in arpart près de cinquante ans en arrière .... al' mason, à tape , après l' salate ....
mes parints faijotent leu courses à la "coopé" rue Anatole France
et à l époque yavo pas quinze mille sortes d' fromaches comme asteure, et en camembert, in mingeo souvint soit du "verton" , ou du "bel oiseau"
et à chaque coup que m'mère ale rameno du camembert de la marque "bel oiseau" in avo dro à la ritournelle ...
ch' camembert de "l oiseau bleu" , cha représente un paon qui fait la roue.....
j' vous raconte l histoire qui allo avec, j'conno ché paroles par coeur ...
"cha m' fait pinser à quand que j a eu min certificat d étutes à Poissy (min père y habito ach' momint là en région parisienne).....
ché tantes (à li) ale m avotent immené au zoo de Vincennes, chéto en 1923 (là i préciso que chéto un exploit, non pas d avoir eu sin certificat d étutes, mais que ché tantes ale z avotent ouvrés leur porte monnaie pour payer quéquosse ....)
(j arprinds le récit); in s'promeno dans les allées, yavo m' mère qui éto avec nous, et à un momint , in a passé à coté des paons ........
y en a qui faijotent la roue, et qui poussotent leu cri espécial , qui arsempe à "léon léon", et comme min père i s' prénommo Léonce, ché tantes ale li avotent fait accroire que ché paons in fait i l appelotte"........"
mi pendant qu' min père i raconto l histoire, j' soufflo pas, j' montro pas des sines d énervemints..... j' faijo rire m' mère ....
j' faijo du plaibaque ..........
ah vinguette, tchiot souvenir, mais chéto un vrai bon momint ....
Minloute, ti qui a eun' mémoire d'éléphant té pourros nous dire si ch'étot du 40% ou du 50% d'matière grasse, avec eun' pétite boite ou eun' normale.
Ch'est bien ch'fromach' là hein!
Vire chés photos jointes
franch' mint, j a le souvenir que del boite du qui eune haie de chaque coté du paon
( 2 photos)